Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Yesaya 51:1-23

51  Arki mi, un pipel di e meki muiti fu du san reti+ èn di e suku fu feni Yehovah.+ Prakseri a bigi ston+ pe mi koti unu puru èn na olo pe mi diki unu puru.  Prakseri un afo Abraham,+ èn Sara+ di ben abi furu pen di a meki wan pikin di tron wan bigi pipel te fu kaba. Na Abraham wawan ben de di mi kari en.+ Mi ben blesi en èn mi meki a kisi furu bakapikin.+  Yehovah o trowstu Sion.+ Iya, a o trowstu ala den presi drape pe nowan sma ben e tan.+ A o meki a sabana fu en tron leki Eden+ èn den drei presi o tron leki a dyari fu Yehovah.+ Soso prisiri o de drape. Den o de nanga tangi èn den o singi.+  Mi pipel, un poti prakseri na mi. Arki, un sma di de fu mi.+ Mi o gi unu wèt+ èn mi o poti den komando fu mi leki wan leti gi den pipel.+  Mi retidu de krosibei.+ Mi o tyari frulusu kon.+ Na mi srefi o gebroiki mi makti fu krutu den pipel.+ Na tapu mi den tabiki o howpu+ èn na mi den e wakti fu mi gebroiki mi makti.+  Opo yu ede luku go na hemel+ èn luku grontapu. Den hemel o wai gowe leki smoko.+ Grontapu o kon de leki wan brokokrosi.+ Den sma di e libi na tapu o dede leki maskita. Ma te mi o frulusu sma, a o de fu ala ten+ èn ala ten mi o du san reti.+  Arki mi, un pipel di sabi san na retidu èn di abi a wèt fu mi na ini den ati.+ No frede te sma e gi unu porinen èn no beifi te sma e kosi unu.+  Den o de leki wan pisi krosi di woron* nyan. Den o de leki wan pisi krosi fu skapu-wiwiri di woron nyan.+ Ma mi retidu o tan fu têgo èn te mi o frulusu unu, a o de fu ala ten.”+  Meki na anu fu Yehovah wiki!+ Iya, meki a wiki èn kon tranga!+ Meki a opo du wan sani neleki fa a ben du na ini owruten, na ini a ten fu den afo fu wi.+ A no yu ben broko Rahab+ na pisipisi? A no yu ben dyuku a bigi meti na ini se?+ 10  A no yu puru a watra fu a dipi se, so taki a kon drei?+ A no yu ben meki wan pasi na ini a se, so taki den wan di yu frulusu, ben kan waka pasa go na abrasei?+ 11  Den wan di Yehovah frulusu, o drai kon baka na Sion nanga wan prisiri babari.+ Fu ala ten den o breiti.+ Iya, den o bari fu prisiri èn den o breiti srefisrefi.+ Sari nanga geme no o de moro.+ 12  „Na mi, iya, mi srefi o trowstu unu.+ Fu san ede unu musu frede wan libisma di e dede?+ Fu san ede unu musu frede wan libisma pikin di de leki grun grasi nomo?+ 13  Fu san ede unu frigiti un Mekiman Yehovah+ di bradi hemel leki wan krosi+ èn di seti den fondamenti fu grontapu?+ Dati meki unu e frede a sma di lontu unu.+ Unu denki taki a o kiri unu,+ fu di a de nanga bigi atibron. Ma pe a bigi atibron fu en de now?+ 14  A strafuman di beni èn di den tai nanga keti o lusu esi-esi.+ A no o go na en grebi+ èn a no o mankeri nyanyan.+ 15  Ma mi, Yehovah, na un Gado. Mi na a sma di e seki a se fu meki bigi skwala kon.+ Yehovah di e tiri den legre na mi nen.+ 16  Mi o taigi unu san unu musu taki+ èn mi o poti mi anu na un tapu fu kibri unu,+ so taki mi kan seti den hemel+ nanga den fondamenti fu grontapu+ Dan mi o taigi den sma na Sion: ’Unu na mi pipel.’+ 17  Wiki! Wiki èn opo tanapu, Yerusalem.+ Yehovah meki yu dringi fu a kan fu en bigi atibron.+ Yu e seiriseiri, fu di yu dringi a heri kan leigi.+ 18  Nowan fu den manpikin di yu meki, ben yepi yu fu waka.+ Nowan fu den manpikin di yu kweki, ben hori yu anu fu tyari yu.+ 19  Tu sani o pasa nanga yu.+ Na wan ogri-ati fasi sma o teki ala den sani fu yu èn den o broko yu. Boiti dati, yu o de nanga angri èn den o kon na yu tapu nanga feti-owru!+ Suma o sari yu?+ Suma o trowstu yu?+ 20  Den manpikin fu yu flaw.+ Na ala uku fu den strati den e didon leki meti di sma fanga nanga wan nèt.+ Den bere furu nanga na atibron fu Yehovah+ èn a Gado fu yu gi den wan hebi strafu.”+ 21  Fu dati ede, arki grantangi, yu uma+ di e pina èn di drungu aladi yu no dringi win.+ 22  Disi na san yu Masra Yehovah, yu Gado di e feti+ gi en pipel, taki: „Luku, a kan di e meki yu seiriseiri, mi o puru na yu anu.+ Mi no o meki yu dringi moro fu a kan fu mi bigi atibron.+ 23  Mi o poti en na ini na anu fu den wan di e tanteri yu,+ den wan di taigi yu: ’Go didon na gron meki wi waka na tapu yu baka’, bika yu ben gwenti didon na gron leki wan pasi di sma e waka na tapu.”+

Futuwortu

Luku a marki na Yes 50:9.