Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Yesaya 50:1-11

50  Disi na san Yehovah taki: „Pe a brokotrow papira+ fu un mama de di mi seni en gowe?+ Na seri mi seri unu, fu di mi no ben man pai wan paiman?+ Na fu un eigi sondu ede+ meki mi ben musu seri unu, èn na den ogri di unu du meki mi seni un mama gowe.+  Ma fu san ede nowan sma ben de dyaso di mi kon na inisei?+ Fu san ede nowan sma piki di mi kari den?+ Na syatu mi anu kon syatu so, taki mi no man yepi unu?+ Na swaki mi swaki so, taki mi no man frulusu unu? Te mi e piri-ai+ gi a se, a e kon drei.+ Mi e meki liba kon tron sabana.+ Dan den fisi e dede fu di den no abi watra èn den e bigin tingi.+  Mi e meki hemel kon dungru,+ iya, mi e weri rowkrosi gi en.”+  A Moro Hei Masra Yehovah srefi gi mi wan tongo fu den wan di kisi leri,+ so taki mi kan sabi san mi musu taigi den sma di weri.+ Ibri mamanten a e wiki mi, so taki mi kan opo mi yesi arki den leri di a e gi.+  A Moro Hei Masra Yehovah srefi opo mi yesi meki mi arki en èn mi no opo misrefi teige en.+ Mi no du sani tra fasi leki fa a taigi mi fu du.+  Mi poti mi baka gi den wan di e gi fonfon èn mi poti mi seifesi+ gi den wan di e hari sma wiwiri puru. Mi no kibri mi fesi gi spiti nanga sani di ben o gi mi syen.+  Ma a Moro Hei Masra Yehovah srefi o yepi mi.+ Dati meki mi no o firi syen. Dati meki mi meki mi fesi kon de leki wan bun tranga ston èn mi sabi taki mi no o kisi syen.+  A sma di e taki dati mi e du san reti, de krosibei.+ Suma feni taki mi du ogri? Meki wi go na fesi krutu.+ Suma tyari mi na fesi krutu?+ Meki a waka kon miti mi.+  A Moro Hei Masra Yehovah o yepi mi. Suma man taki dati mi ogri?+ Den alamala o kon de leki wan pisi brokokrosi+ di no bun moro fu weri.+ Srefi wan woron* o nyan den. 10  Suma fu unu e sori taki a abi bigi lespeki+ gi Yehovah, fu di a e arki en futuboi?+ Suma e waka na presi di dungru+ ala ten? Gi suma leti no de? Meki a poti frutrow na ini a nen fu Yehovah+ èn meki a frutrow na tapu en Gado.+ 11  „Un alamala di e leti wan faya, un waka na ini a leti fu a faya. Na misrefi o du disi nanga unu: Nanga hebi pen unu o didon na gron.+

Futuwortu

A Hebrew wortu abi fu du nanga wan sortu pikin meti di e frei èn di e nyan krosi neleki kakalaka. Bakratongo: „mot.”