Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Yesaya 42:1-25

42  Luku mi futuboi!+ Gi en mi e horibaka.+ Na en mi teki+ èn na en mi feni bun!+ Mi poti mi yeye na en tapu.+ Na en o sori den pipel san na retidu.+  A no o bari noso opo en sten èn nowan sma o yere en sten na strati.+  A no o masi wan warimbo di broko+ èn a no o kiri wan faya di e suku fu dede. A o tyari retidu kon trutru.+  A no o kon swaki èn nowan sma o masi en. A o tyari retidu kon na heri grontapu.+ Na en den tabiki e wakti fu gi den wèt.+  A tru Gado Yehovah na a Mekiman fu hemel.+ En na a Granwan di bradi hemel leki wan pisi krosi+ èn di meki grontapu+ nanga ala sani di de na tapu.+ En na a sma di e meki sma na grontapu bro+ èn na en e gi libi na den wan di e waka na tapu.+ Disi na san a taki:  „Mi, Yehovah, kari yu, fu di mi e du san reti.+ Ne mi hori yu na yu anu.+ Mi o kibri yu. Yu o de leki wan frubontu na mindri mi nanga den pipel+ èn leki wan leti gi sma.+  Bika yu o meki breni ai si,+ yu o puru strafuman na ini strafu-oso+ èn den wan di e sidon na ini dungru yu o puru na dungru-oso.+  Mi na Yehovah. Dati na mi nen.+ Mi no o meki wan tra sma kisi a glori di mi musu kisi+ èn mi no o meki sma prèise+ tra gado+ na presi fu mi.  Luku, den fosi sani pasa kaba,+ ma mi o fruteri unu nyun sani. Fosi den bigin, mi o meki unu yere den.”+ 10  Un singi wan nyun singi gi Yehovah.+ Un prèise en te na den moro farawe presi fu grontapu.+ Iya, prèise en, un man di e suku wan libi na se+ èn un sma di e tan na ala den tabiki.+ 11  Meki a sabana+ nanga den foto drape opo den sten. Iya, meki den dorpu na Keidar opo den sten.+ Meki den sma fu den bergi+ bari fu prisiri. Iya, na den ede fu den bergi, sma musu bari nanga wan tranga sten. 12  Meki den gi Yehovah glori+ èn meki sma prèise en na den tabiki.+ 13  Yehovah o kon leki wan tranga man.+ Neleki wan fetiman a o de fayafaya fu go na feti.+ A o bari tranga neleki te srudati e go na feti+ èn a o tranga moro den feanti.+ 14  „Na bun langa kaba mi no taki noti.+ Mi tan pî.+ Mi ben e hori misrefi.+ Mi o geme èn bro hebi neleki wan uma di de fu meki en pikin.+ 15  Mi o pori+ ala den bergi nanga hei presi. Mi o meki ala den sani di e gro na den bergi, kon drei. Mi o meki den liba tron tabiki èn mi o meki den swampu kon drei.+ 16  Mi o meki den breniwan waka wan pasi di den no sabi.+ Iya, mi o meki den waka na wan pasi pe den no ben de bifo.+ Gi den mi o meki wan dungru presi kon de wan presi pe leti de,+ èn wan olo-olo pisi kontren o kon grati.+ Na disi mi o du gi den èn mi no o gowe libi den.”+ 17  Den o drai baka èn den o de nanga bigi syen. Iya, na dati o pasa nanga den wan di e frutrow na tapu den popki di den e anbegi+ èn den wan di e taigi den popki: „Unu na wi gado.”+ 18  Yere, un dofuwan! Luku, un breniwan!+ 19  Suma breni leki mi futuboi? Suma dofu leki mi boskopuman di mi seni? Suma breni leki a futuboi fu Yehovah,+ noso leki a sma di kisi en pai? 20  Furu sani ben de fu si, ma unu no poti prakseri.+ Unu ben opo un yesi, ma unu no arki.+ 21  Yehovah na wan reti-ati Gado.+ Dati meki a lobi fu sori taki den wèt fu en bun srefisrefi+ èn taki den e tyari wini kon. 22  Ma sma teki ala sani puru na den anu fu a pipel disi.+ Sma fanga den alamala poti na ini bergi-olo nanga strafu-oso.+ Sma kon fu du den ogri èn fu teki ala sani puru na den anu, ma den no abi nowan frulusuman+ èn nowan sma e taki: „Tyari den kon baka!” 23  Suma fu unu o yere den sani disi? Suma o poti prakseri èn arki, so taki a kan leri wan sani gi a ten di e kon?+ 24  Suma libi Yakob meki sma du ogri nanga en? Suma libi Israel meki den teki ala sani puru na en anu? A no Yehovah du dati? Den sondu teige en, den no ben wani waka den pasi fu en èn den no ben wani gi yesi na den wèt fu en.+ 25  Ne en ati bron nanga den. Nanga bigi atibron a kon feti nanga den. A ben de wan bun ogri feti.+ Faya ben de na den lontu,+ ma den no ben poti prakseri.+ En atibron ben de leki wan faya di ben e bron den, ma den no ben kenki prakseri.+

Futuwortu