Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Yesaya 4:1-6

4  Na a ten dati seibi uma o grabu wan man hori,+ dan den o taki: „Wi o nyan wi eigi brede èn wi o weri wi eigi dyakti. Ma meki wi tyari a nen fu yu, so taki wi no kisi syen moro.”+  Na a ten dati den sani di Yehovah o meki gro,+ o moi a kondre. Ala sma o taki fa a kondre moi.+ Den sma fu a kondre o meki bigi+ taki a kondre fu den e gi furu nyanyan. Disi o de wan moi sani gi den sma fu Israel di kisi frulusu.+  Den sma di tan abra na ini Sion èn na ini Yerusalem o de santa gi Gado.+ A skrifi kaba taki ibriwan fu den o tan libi na ini Yerusalem.+  Yehovah o wasi a pupe fu den umapikin fu Sion+ gowe. En ati o bron+ srefisrefi nanga Yerusalem èn a o krutu en. Na so a o wasi+ a brudu+ na ini en puru.  Dan Yehovah o meki wan wolku nanga smoko de na tapusei fu heri Sion-bergi+ nanga a konmakandra-presi na deiten. Na neti+ a o meki wan bigi faya bron+ fu gi leti. A o kibri a kondre disi di moi srefisrefi.+  Wan kampu o de, so taki sma kan feni kowru te a faya+ na deiten. Na drape den o go kibri tu te alen nanga sibibusi+ kon.

Futuwortu