Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Yesaya 39:1-8

39  Na a ten dati Merodak-Baladan,+ a manpikin fu Kownu Baladan fu Babilon,+ seni wan tu brifi nanga wan kado+ gi Heskia, fu di a ben yere taki Heskia siki èn kon betre baka.+  Heskia ben prisiri srefisrefi fu a sani disi ede.+ Ne a sori den man ala sani di ben de na ini na oso pe a ben e kibri den gudu fu en.+ A sori den a solfru, a gowtu, a balsem-oli,+ a bun oli, ala den fetisani fu en,+ nanga ala tra gudu di a ben abi. Iya, Heskia sori den ala den gudu di ben de na ini na oso fu en+ èn na ini en heri kownukondre.+  Baka dati a profeiti Yesaya go na Kownu Heskia èn a aksi en:+ „San den man disi taki èn fu pe den komoto?” Heskia piki en: „Den komoto na wan farawe kondre kon na mi. Den komoto na Babilon.”+  Yesaya aksi en: „San den si na ini yu oso?”+ Heskia piki en: „Den si ala sani di de na ini mi oso. Nowan gudu no de di mi no sori den.”  Ne Yesaya taigi Heskia:+ „Yere san Yehovah di e tiri den legre abi fu taki:  ’Luku, wan ten o kon taki sma o teki ala den sani di de na ini yu oso èn di den afo fu yu tyari kon na wán te na a dei fu tide. Dan den o tyari ala den sani disi go na Babilon.’+ ’Noti no o tan abra’,+ na so Yehovah taki.  ’Sma o teki wan tu fu yu eigi manpikin tyari gowe.+ Den o tron heihei man+ na ini na oso fu a kownu fu Babilon.’”+  Ne Heskia taigi Yesaya: „A sani di Yehovah seni yu fu taigi mi, bun.”+ A taki tu: „Efu ala sani waka bun èn ogri no miti mi+ solanga mi de na libi,+ dan a bun.”

Futuwortu