Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Yesaya 27:1-13

27  Na a ten dati Yehovah+ o teki en bigi, tranga feti-owru+ fu dyuku Lefiatan,+ a sneki di e grati pasa esi-esi.+ Iya, a o dyuku a sneki di e kroipi èn di nen Lefiatan. A o kiri a bigi meti+ di de na ini se.  Na a ten dati un musu singi gi na uma:+ „Yu na wan droifidyari+ di e gi froktu fu meki bun win!  Na mi, Yehovah, e luku en.+ Ala ten mi o gi en watra.+ Nowan sma o man pori en, fu di mi o luku en dei nanga neti.+  Mi ati no e bron moro.+ Efu wan sma ben o poti makabusi+ nanga takru wiwiri na ini mi droifidyari, dan mi o feti nanga en. Mi o trapu na tapu den makabusi nanga den takru wiwiri èn mi o bron den alamala wantronso.+  Na presi fu du disi, meki a sma kon na mi fortresi fu begi mi, so taki mi feni en bun. Iya, a musu kon begi mi, so taki mi feni en bun.”+  Na ini a ten di e kon Yakob o teki rutu. Israel+ o kisi bromki èn a o sproiti. Den o furu a heri kondre nanga froktu.+  Fu san ede Israel musu kisi so wan hebi fonfon? Fu san ede sma musu kiri en so?+  Te yu o seni en gowe, yu o feti nanga en èn yu o bari en fu meki a frede. Na a dei te a winti e wai fu owstusei, yu o yagi en gowe nanga wan bigi tranga winti.+  Na so Yakob o kisi pardon fu en sondu.+ Ala den sani disi o pasa nanga en te Gado o puru den sondu fu en.+ A o meki den ston fu den altari kon de leki karkiston di kon tron puiri. Dan den santa postu+ nanga den altari fu bron switismeri no o de moro.+ 10  A foto di abi bigi skotu o tan en wawan èn nowan sma o de moro na den weigron. Den o tron leki wan sabana.+ Na drape pikin kaw o tan èn na drape den o nyan grasi. Den o nyan den bigi taki fu en.+ 11  Te den pikin taki fu en kon drei, umasma o kon broko den puru èn den o bron den.+ Bika den sma dati no koni.+ Dati meki a Mekiman fu den no o sari den. A Mekiman fu den no o du den nowan bun.+ 12  Ai un Israelsma, neleki fa wan sma e naki den froktu puru+ na wan bon fu piki den wan-fru-wan na gron, na so Yehovah o piki unu na a ten dati,+ na a heri kontren fu Gran Liba+ te na a lagipresi fu Egepte.+ 13  Na a ten dati sma o yere a tranga babari fu wan tutu.+ Ala sma di de fu dede na ini Asiria+ èn den sma di panya na ini Egepte,+ o kon boigi+ gi Yehovah na tapu a santa bergi na Yerusalem.+

Futuwortu