Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Yesaya 25:1-12

25  Yehovah, yu na mi Gado.+ Mi o gi yu glori+ èn mi o prèise yu nen,+ bika yu du ala sortu kefalek sani.+ Sensi owruten yu e teki bosroiti+ èn ala ten yu e du san yu bosroiti.+  Yu meki wan heri foto tron wan ipi ston èn yu meki a foto di abi bigi skotu tron wan brokopresi. Yu meki taki a foto fu trakondre sma no de wan fortresi moro. Noiti wan sma o bow en baka.+  Fu dati ede wan tranga pipel o gi yu glori. Den ogri-ati pipel na ini a foto o frede yu.+  Yu tron wan fortresi gi den mofina sma nanga den pôtiwan di de na ini banawtu.+ Yu tron wan kibripresi gi den te bigi sibibusi e kon, èn wan kowrupe+ te a faya son e skèin. Yu e kibri den te den ogri-ati sma e kon na den tapu leki wan bigi sibibusi di e wai go na tapu wan skotu.  Neleki fa wan wolku e gi kowru te a tapu a faya son fu skèin na wan drei presi,+ na so yu e tapu a babari fu yu feanti. Srefi a poku fu den ogri-ati sma no de fu yere moro.+  Yehovah di e tiri den legre o sreka wan bigi nyanyan gi ala den pipel+ na tapu a bergi disi.+ A o gi den a moro bun nyanyan+ èn a moro bun win. A o gi den nyanyan di meki nanga a moro bun oli, bonyofatu+ èn a moro bun win.+  Na tapu a bergi disi a o swari a duku di tapu ala den pipel+ èn a krosi di brei lontu ala den pipel.  A Moro Hei Masra Yehovah o swari dede fu têgo+ èn a o figi den watra-ai fu ala sma puru na den fesi.+ A o puru a porinen di en pipel ben kisi na heri grontapu.+ Iya, na Yehovah srefi taki so.  Na a ten dati wan sma o taki: „Disi na wi Gado.+ Wi e frutrow na en tapu+ èn na en o frulusu wi.+ Disi na Yehovah.+ Wi e frutrow na en tapu. Meki wi breiti èn meki wi prisiri, fu di a frulusu wi.”+ 10  Yehovah o poti en anu na tapu a bergi disi+ èn a o trapu Moab+ na a presi pe a de, neleki te sma e trapu drei grasi na ini mèst.+ 11  A o langa en anu fu naki en neleki fa wan sma e naki a watra te a e swen. A o wai en anu fu naki a heimemre fu en puru.+ 12  Yu ben de wan tranga foto èn den bigi skotu fu yu ben kibri yu. Ma Gado o naki yu broko. A o meki yu kon lagi èn a o trowe yu na gron na ini a doti.+

Futuwortu