Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Yesaya 2:1-22

2  A fisyun di Yesaya, a manpikin fu Amos, kisi fu Yuda nanga Yerusalem,+ e go doro:  Na ini den lasti dei+ a bergi fu na oso+ fu Yehovah o tanapu steifi. A o hei pasa den ede fu den bergi,+ èn a o hei moro den pikin bergi.+ Na drape ala pipel musu go.+  Iya, furu pipel o go drape èn den o taki: „Kon+ meki wi go na a bergi fu Yehovah èn na a oso fu a Gado fu Yakob. A o leri wi san na den pasi fu en èn wi o waka den pasi dati.”+ Bika a wèt o komoto fu Sion, èn Yehovah o taki komoto fu Yerusalem.+  A o koti krutu gi den pipel+ èn a o seti sani kon reti+ gi furu pipel.+ Den o abi fu naki den feti-owru kon tron plugu èn den lansri kon tron grasinefi.+ Nowan pipel o teki feti-owru fu go feti nanga wan tra pipel èn den no o leri fu feti moro.+  Grantangi, un sma fu Yakob, kon meki wi waka na ini a leti fu Yehovah.+  Yu gowe libi den sma fu Yakob di de yu pipel.+ A kondre lai nanga sani fu den kontren na Owstusei.+ Den sma e du afkodrei+ neleki den Filisteasma, èn wan lo pikin fu trakondre sma de na ini a kondre.+  A kondre lai solfru nanga gowtu èn den sma abi wan lo gudu.+ A kondre lai asi èn den sma abi wan lo asiwagi.+  A kondre lai wan lo soso gado.+ Sma e boigi gi sani di den srefi meki nanga den eigi anu.+  Den sma e lagi densrefi, fu di den e boigi gi den sani dati. Yu no musu gi den pardon fu dati kwetikweti.+ 10  Un go kibri na ini den ston èn ondro gron, fu di unu e frede Yehovah nanga a bigi glori fu en.+ 11  Den sma di abi bigimemre musu saka den ede èn den heimemre sma musu kon lagi.+ Na Yehovah wawan musu kon hei na a dei dati.+ 12  Bika a dei dati na a dei fu Yehovah di e tiri den legre.+ A dei dati o kon gi ala den sma di e firi densrefi hei nanga den sma di abi bigimemre èn gi ala den heihei sma nanga den mofina sma.+ 13  A dei dati o kon gi ala den hei sedrebon fu Libanon+ èn gi ala den bigi bon fu Basan.+ 14  A dei dati o kon gi ala den hei bergi èn gi ala den pikin bergi na den hei presi.+ 15  A dei dati o kon gi ibri hei toren èn gi ibri tranga skotu.+ 16  A dei dati o kon gi ala den sipi fu Tarsis+ èn gi ala den kefalek boto. 17  Den sma di abi bigimemre musu saka den ede èn den heimemre sma musu kon lagi.+ Na Yehovah wawan musu kon hei na a dei dati.+ 18  Den soso gado o lasi gowe krinkrin.+ 19  Sma o go kibri na ini den bergi-olo èn na ini olo ondro gron, fu di den e frede Yehovah nanga a bigi glori fu en.+ Te a o opo du wan sani, grontapu o seki.+ 20  Na a dei dati den sma o teki den soso gado fu solfru nanga gowtu di den ben meki fu boigi gi den èn den o trowe den gi alata nanga fremusu.+ 21  Dan den sma o go kibri na ini den bergi-olo èn na ini den olo fu stonbergi, fu di den e frede Yehovah nanga a bigi glori fu en.+ Te a o opo du wan sani, grontapu o seki. 22  Efu unu wani taki sani waka bun nanga unu, dan un no musu frutrow libisma di musu hari bro fu tan na libi.+ Sobun, fu san ede unu ben o poti prakseri na den?+

Futuwortu