Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Yesaya 19:1-25

19  Disi na wan krutuboskopu gi Egepte:+ Luku! Yehovah e rèi na tapu wan wolku di e waka esi-esi.+ A e kon na Egepte. Dati meki den soso gado fu Egepte o beifi gi en+ èn den sma fu Egepte o lasi-ati.+  „Mi o gi den Egeptesma deki-ati fu go feti nanga makandra. Ibriwan fu den o feti nanga en brada èn ibriwan fu den o feti nanga en mati. Na so foto o feti nanga foto èn kownukondre nanga kownukondre.+  Den sma na ini Egepte o kon bruya.+ Mi o meki den sani di den abi na prakseri fu du, tron noti.+ Den o go suku rai na den soso gado,+ den wisiman, den bonuman, nanga den lukuman.+  Mi o meki wan ogri-ati man basi Egepte èn a kownu di o tiri den o tranga”,+ na so a tru Masra Yehovah di e tiri den legre taki.  A watra fu se o drei gowe èn a liba o drei tu. Iya, a o lon drei.+  Den liba o tingi. A watra fu den kriki fu Nijl-liba na ini Egepte o lagi èn den o kon drei.+ Den warimbo+ nanga a grasi o siki.  Den opo presi pe grasi e gro na a mofo fu Nijl-liba o kon drei.+ Ibri gron na Nijl-liba pe sma e prani sani o kon drei. Ala den sani di e gro na sei Nijl-liba o kon drei èn winti o wai den gowe.  Den fisiman o krei èn ala sma di e uku na Nijl-liba o sari. Srefi den wan di e fanga fisi nanga nèt o pina.+  Den sma di e wroko nanga finifini vlas-titei*+ èn den sma di e brei weti krosi o kisi syen. 10  Den sma na ini a kondre di e meki krosi+ o firi brokosaka. Ala den wrokoman o sari. 11  Den granman fu a foto Sowan+ don trutru. A rai fu den koni raiman fu a kownu fu Egepte na don sani.+ We dan fa unu kan taigi a kownu: „Mi na wan manpikin fu wan koni man èn a bakapikin fu wan kownu fu owruten”? 12  Egepte, pe den koni man fu yu de?+ Meki den taigi yu now san den sabi fu den sani di Yehovah di e tiri den legre bosroiti fu du nanga Egepte.+ 13  Den granman fu a foto Sowan du don.+ Den granman fu Nof kori densrefi.+ Den edeman+ fu den lo fu Egepte meki den Egeptesma lasi pasi. 14  Yehovah meki den bruya. Na den e meki den Egeptesma du ala sani bruyabruya+ èn na den e meki den Egeptesma wakawaka lontu neleki wan drunguman di e wakawaka na ini en brâk.+ 15  Egepte no o man du nowan sani. Iya, na ede nanga a tere, a pransun nanga a warimbo no o man du nowan sani.+ 16  Na a ten dati den Egeptesma o du leki umasma. Den o beifi+ èn frede, fu di Yehovah di e tiri den legre wai en anu fu naki den.+ 17  Den Egeptesma o frede Yuda.+ Ala sma di e yere fu Yuda o frede, fu di den sabi san Yehovah di e tiri den legre o du nanga den.+ 18  Na a ten dati feifi foto na ini Egepte+ o taki a tongo fu Kanan.+ Den sma na ini den foto o sweri+ taki den wani anbegi soso Yehovah di e tiri den legre. Wan fu den foto o nen Foto di e broko sani. 19  Na a ten dati den o poti wan altari gi Yehovah na ini Egepte.+ Na a lanki fu a kondre den o poti wan pilari gi Yehovah tu. 20  Den o de leki marki, so taki den sma na ini Egepte+ kan memre Yehovah di e tiri den legre. Den sma o bari kari Yehovah, fu di trawan e kwinsi den.+ Dan a o seni wan frulusuman gi den. A o de wan bigiman di o frulusu den trutru.+ 21  Yehovah o meki den Egeptesma+ sabi en. Iya, den Egeptesma o sabi Yehovah na a ten dati. Den o tyari wan srakti-ofrandi nanga kado+ gi Yehovah, den o meki sweri gi en èn den o du san den sweri.+ 22  Yehovah o naki Egepte.+ A o naki den, dan a o meki den kon betre.+ Den o drai go baka na Yehovah,+ a o arki den begi fu den èn a o meki den kon betre.+ 23  Na a ten dati wan bigi pasi+ o waka fu Egepte go na Asiria. Den Asiriasma o go na Egepte èn den Egeptesma o go na Asiria. Egepte nanga Asiria o dini Gado makandra. 24  Ma wan di fu dri kondre de ete. A o wroko makandra nanga Egepte èn nanga Asiria+ na a ten dati. A kondre dati na Israel. A o de wan blesi gi den sma na grontapu,+ 25  fu di Yehovah di e tiri den legre blesi en.+ A taki: „Blesi fu mi pipel di de na Egepte. Blesi fu a kondre Asiria+ di mi meki. Blesi fu mi gudu Israel.”+

Futuwortu

Luku „vlas” na „Moro sani”, nr. 24.