Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Yesaya 16:1-14

16  Un man, seni wan manskapu fu Sela gi a tiriman fu a kondre.+ Meki a waka pasa na ini a sabana go na a bergi fu na umapikin fu Sion.+  Leki wan fowru di e lowe gowe fu en nesi+ fu di sma yagi en, na so den umapikin fu Moab o kon de na den lagi presi fu Arnon-liba.+  „Un man, taki san unu o du. Du san unu bosroiti.+ Na mindridei un musu de leki wan kowrupe di dungru leki neti.+ Kibri den wan di sma yagi gowe.+ No tori den wan di e lowe gowe.+  Grantangi Moab, meki a pipel fu mi di sma yagi gowe, kon tan nanga yu leki trakondre sma.+ Tron wan kibripresi gi den, fu di sma teki ala sani fu den na wan ogri-ati fasi.+ Ma a sma di ben kwinsi den, dede now. A no man du nowan ogri nanga den moro. Den wan di ben pina trawan, no de moro na grontapu.+  Na wan lobi-ati fasi wan kownukondre o seti steifi.+ Wan sma o tan sidon na tapu a kownusturu na ini a tenti fu David.+ A o koti krutu èn a o suku fu du san reti.+ A no o draidrai fu du san bun.”  Wi ben yere fu a bigifasi fu Moab. A abi heimemre,+ a abi bigifasi èn a abi bigi atibron.+ Ma den soso taki fu en na noti.+  Dati meki Moab o bari krei fu a rampu di o miti en. Iya, ala sma na ini Moab o bari krei.+ Den sma di lasi a feti o krei fu den korentikuku fu Kir-Hareset+ ede.  Ala den sani di prani na den gron fu Hesbon,+ kon drei. Den basi fu den pipel koti den taki fu den droifibon fu Sibma+ di abi furu redi droifi. Den taki ben doro te na Yaeser+ èn den ben bradi na ini a heri sabana. Den pransun ben gro na ala sei, te na abra a se srefi.  Fu dati ede mi o krei gi a droifibon fu Sibma neleki fa mi ben krei gi Yaeser.+ Ai Hesbon+ nanga Elale,+ mi o nati unu nanga mi watra-ai, fu di babari ben de fu yere na a kotiten èn na a ten di unu koti den froktu di e gro na ini a waran ten fu a yari.+ 10  Nowan sma na ini a froktudyari e breiti moro èn nowan fu den e prisiri. Nowan sma e bari fu prisiri na ini den droifidyari, iya, nowan sma e prisiri.+ Nowan sma e masi droifi na ini den baki fu meki win.+ Mi meki taki nowan sma e bari fu prisiri moro.+ 11  Fu Moab ede mi e beifi na inisei neleki den titei fu wan harpu.+ Ala mi inibere e trubu fu Kir-Hareset ede.+ 12  Sma si taki Moab kon weri na a hei presi pe a ben anbegi den gado fu en.+ A go na en santa presi fu begi,+ ma a no ben yepi.+ 13  Na dati Yehovah ben taki fu Moab fosi. 14  Now Yehovah taki: „Moab ben abi furu glori,+ ma na ini dri yari a o kisi syen tu. (Den yari disi na soleki fa wrokoman+ e teri yari.) Ala sortu dyugudyugu o de. Wan tu sma nomo o tan abra drape èn den no o man du noti.”+

Futuwortu