Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Yesaya 13:1-22

13  Disi na wan krutuboskopu gi Babilon+ di Yesaya, a manpikin fu Amos,+ yere na ini wan fisyun:  „Poti wan marki+ na tapu wan stonbergi meki a legre si. Wai nanga anu+ èn kari den meki den kon na den portu fu den heihei sma.+  Mi wani puru atibron tapu Babilon. Dati meki mi gi den santawan fu mi wan komando. Boiti dati, mi kari den trangawan fu mi meki den kon nanga prisiri fu feti gi mi.+  Yere a bigi babari na den bergi! A gersi a babari fu wan bigi pipel.+ Yere a babari fu kownukondre nanga pipel di kon makandra!+ Iya, Yehovah di e tiri den legre e tyari wan legre kon na wán fu go feti.+  Fu farawe den kon makandra,+ iya, fu a moro farawe presi na grontapu. Yehovah e kon nanga den fetisani fu en fu strafu èn fu pori heri grontapu.+  Un pipel, bari krei,+ bika a dei fu Yehovah de krosibei!+ A dei dati na Almaktiwan o tyari pori kon.+  Fu dati ede ala sma o firi brokosaka èn ala sma o lasi-ati.+  Den sma o kon bruya+ srefisrefi. Den o kisi krampu nanga pen, neleki wan uma di de fu meki wan pikin.+ Nanga opo mofo den o luku makandra, fu di den no o bribi san e pasa. Na den fesi a o de fu si taki den e bruya srefisrefi.+  Luku! A dei fu Yehovah e kon èn a o ogri trutru. A o de nanga bigi atibron èn en ati o faya. Dan sma o skreki srefisrefi te den si san a du nanga a kondre.+ A o figi ala den sondu sma puru na ini a kondre.+ 10  Den stari fu hemel nanga a starigrupu Kesil+ no o skèin leti. Te son o opo, a o dungru èn munkenki no o skèin a leti fu en. 11  Mi o strafu a kondre, fu di furu ogri pasa drape.+ Den srefi ogri di den ogri sma du, na dati o pasa nanga den. Mi o puru bigifasi gi den heimemre sma èn mi o meki den ogri-ati tiriman di abi heimemre, kon lagi.+ 12  Nowan sma o de na ini a kondre.+ Srefi finifini gowtu èn a gowtu fu Ofir o de moro makriki fu feni+ leki libisma. 13  Mi o meki hemel trubu+ èn grontapu o seki komoto fu en presi te Yehovah di e tiri den legre en ati e bron+ na a dei fu en bigi atibron.+ 14  Neleki wan dia di e lon gowe èn neleki wan ipi skapu di no abi nowan skapuman fu luku den,+ na so ibri sma o drai go na en eigi pipel èn den o lowe go na den eigi kondre.+ 15  Den feanti o dyuku ibri sma di den feni, èn nanga feti-owru den o kiri ibri sma di den kisi.+ 16  Leti na den fesi den feanti o kiri den pikin na wan ogri-ati fasi.+ Den o teki ala den gudu na ini den oso, èn nanga tranga den o didon na den wefi fu den Babilonsma.+ 17  Mi o meki den Mediasma go feti nanga den.+ Den sma dati e si solfru leki noti èn den no gridi fu gowtu. 18  Nanga den bo den o masi den yonkuman.+ Den no o sari den pikin srefi.+ Den no o abi sari-ati gi nowan manpikin. 19  Babilon, a moro moi foto fu ala den kownukondre,+ a moi foto di e gi den Kaldeyasma biginen,+ o tron neleki Sodom nanga Gomora di Gado ben pori.+ 20  Noiti moro wan sma o tan na ini Babilon.+ Noiti moro a o de.+ Nowan Arabiri o seti en tenti drape èn nowan skapuman o tyari en skapu go drape. 21  Na den meti di e tan na den sabana, o tan drape. Owrukuku o tan na ini den oso.+ Den stroisifowru o tan drape tu èn ogri yeye di gersi bokoboko o dyompodyompo drape.+ 22  Den sabanadagu o bari na ini den toren+ pe sma ben e tan. Bigi sneki o tan na ini den kefalek moi oso. A ten fu Babilon doro èn a no o tan langa moro+ fosi a kisi pori.”

Futuwortu