Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Yesaya 11:1-16

11  Wan pikin taki+ o bigin gro na a tompu fu Isai.+ A rutu fu en o gi wan pransun+ di o meki furu froktu.+  A yeye fu Yehovah o de na en tapu.+ Fu dati ede a o koni,+ a o frustan sani bun,+ a o gi bun rai, a o tranga,+ a o abi furu sabi+ èn a o abi bigi lespeki+ gi Yehovah.  A o feni en wan prisiri sani fu sori lespeki gi Yehovah.+ Te a o koti krutu, a no o poti prakseri nomo na san en ai si. Te a o piri-ai gi sma, a no o poti prakseri nomo na san en yesi yere.+  Na wan reti fasi a o koti krutu gi den mofinawan.+ Nanga wan krin ati a o piri-ai gi sma, so taki den safri-ati sma na grontapu feni bun. Te a o leisi strafu gi den sma na grontapu, a o de leki a naki den nanga wan tiki.+ Nanga a bro fu en mofo a o kiri den ogri sma.+  A o lobi retidu+ èn a o du sani nanga wan krin ati. Den sani disi o de leki wan leribuba na en mindribere.+  Ten na ten busidagu o tan nanga pikin skapu, èn pikin krabita+ o didon na sei penitigri. Pikin kaw, yongu lew,+ nanga fatu meti o de makandra.+ Srefi wan pikin boi o tiri den.  Kaw nanga beer o nyan nanga makandra èn den pikin fu den o didon na sei makandra. Srefi lew o nyan grasi neleki mankaw.+  Wan pikin di de na bobi ete o prei na a olo fu wan kobrasneki.+ Wan pikin di no e dringi bobi moro o poti en anu na a olo fu wan takru sneki.  Den no o du nowan ogri+ èn den no o pori nowan sani na mi santa bergi,+ fu di heri grontapu o furu nanga a sabi fu Yehovah, neleki fa a se furu nanga watra.+ 10  Na a ten dati+ a rutu fu Isai+ o opo tanapu èn a o de leki wan marki di den pipel kan si.+ Ala den pipel o go suku rai na en+ èn a tanpe fu en o furu nanga glori.+ 11  Na a dei dati Yehovah o langa en anu ete wan leisi+ fu yepi den sma di tan abra fu en pipel. Iya, a o teki den puru fu Asiria,+ fu Egepte,+ fu Patros,+ fu Kus,+ fu Elam,+ fu Sineyar,+ fu Hamat èn fu den tabiki na ini a se.+ 12  A o poti wan marki leti-opo meki den pipel si dati. Den sma fu Israel+ nanga den sma fu Yuda ben panya go na ala sei, ma a o teki den puru na den fo uku fu grontapu èn a o tyari den kon na wán.+ 13  Efrayim no o dyarusu moro+ èn den sma di abi bita-ati gi Yuda o dede. Efrayim no o dyarusu na tapu Yuda, èn Yuda no o abi bita-ati gi Efrayim.+ 14  Den o frei go na tapu a skowru fu den Filisteasma na west-sei.+ Makandra den o teki den gudu fu den manpikin fu Owstusei.+ Den o wini Edom nanga Moab+ èn den o basi den Amonsma.+ 15  Yehovah o koti a tongo fu a se fu Egepte puru.+ Te a o wai en anu, wan faya winti o naki Gran Liba.+ A o naki den seibi liba di e komoto na Gran Liba èn a o meki sma waka nanga susu drape.+ 16  Dan wan bigi pasi+ o opo gi den sma di tan abra fu en pipel+ èn den o komoto na Asiria, neleki fa wan bigi pasi ben opo gi Israel di den ben komoto na Egepte.

Futuwortu