Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Yeremia 47:1-7

47  Fosi a kownu fu Egepte teki Gasa+ abra, Yehovah ben gi Profeiti Yeremia wan boskopu di abi fu du nanga den Filisteasma.+  Yehovah taki: „Luku! Watra+ e komoto fu noordsei.+ A tron wan liba di o sungu a heri kondre. Iya, a o sungu a heri kondre nanga ala sani di de na ini a kondre èn a foto nanga den sma di e tan na ini.+ Den man o bari èn ala sma na ini a kondre o bari krei.+  Te den yere fa den asi fu den feanti e stampu+ èn fa den fetiwagi+ e meki babari te den e rèi,+ den papa no o luku den manpikin fu den nanga wan ai, fu di den e frede  a dei te den feanti o kon kiri den Filisteasma.+ Den o kiri ala den yepiman+ fu Tirus+ nanga Sidon+ di tan abra. Yehovah o kiri den Filisteasma+ di tan abra fu a tabiki Kaftor.+  Gasa+ musu kisi wan piri-ede.+ Askelon+ musu kon de pî. Un sma di e tan na a lagipresi fu den, o langa unu o kotikoti un skin ete?+  Ai, feti-owru fu Yehovah!+ O langa yu o rigeri ete? Go baka na yu presi.+ Go rostu èn tan pî.  Ma fa a kan tan pî efu na Yehovah srefi gi en wan komando? A musu go na Askelon èn na a sesyoro.+ Na drape a seni en go.”

Futuwortu