Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Yeremia 41:1-18

41  Ismael+ ben de a manpikin fu Netanya, a granpikin fu Elisama,+ èn a bakapikin fu wan kownu.+ A ben de wan fu den prenspari man fu Kownu tu. Na a di fu seibi mun Ismael nanga ete tin man+ kon na Gedalia na Mispa+ èn den bigin nyan nanga makandra.+  Dan Ismael, a manpikin fu Netanya, nanga den tin man opo teki den feti-owru èn den kiri Gedalia di ben de a manpikin fu Ahikam èn a granpikin fu Safan.+ Na so den kiri a sma di a kownu fu Babilon ben poti fu tiri a kondre.+  Boiti dati, Ismael kiri ala den Dyu nanga den srudati fu den Kaldeyasma di ben de drape nanga Gedalia na Mispa.  Baka tu dei nowan sma no ben sabi ete taki den kiri Gedalia.+  Ne aititenti man fu Sikem,+ Silo,+ nanga Samaria+ kon na a oso fu Yehovah fu tyari nyanyan-ofrandi nanga switismeri.+ Den ben koti den barba puru,+ den ben priti den krosi, èn den ben kotikoti den skin.+  Ismael, a manpikin fu Netanya, komoto na Mispa fu go miti den. Nanga watra-ai a waka go miti den+ èn a taki: „Un kon na Gedalia, a manpikin fu Ahikam.”  Ma di den doro na ini a foto, dan Ismael, a manpikin fu Netanya, nanga den man fu en kiri den. Baka dati den trowe den na ini wan peti.+  Ma tin fu den man taigi Ismael wantewante: „No kiri wi. Na den gron wi kibri nyanyan soleki aleisi nanga groto, oli, nanga oni.”+ Fu dati ede a libi den. A no kiri den makandra nanga den tra man.  A peti pe Ismael+ ben trowe ala den dedeskin fu den man, ben de wan bigi peti di Kownu Asa ben meki na a ten di Kownu Bayesa fu Israel+ ben kon feti nanga en. Na a peti dati Ismael, a manpikin fu Netanya, ben furu nanga den dedeskin fu den man di a kiri. 10  Baka dati Ismael teki den umapikin fu Kownu,+ nanga ala den tra sma di ben de ete na Mispa+ èn a tyari den gowe.+ Nebusaradan, na edeman fu den waktiman, ben poti Gedalia, a manpikin fu Ahikam,+ leki tiriman fu den sma disi. Ma Ismael, a manpikin fu Netanya, meki den sma disi tron katiboman, dan a abra nanga den go na a kondre fu den Amonsma.+ 11  Bakaten Yohanan,+ a manpikin fu Kareya, èn den legre-edeman+ di ben de nanga en, kon yere ala den ogri di Ismael, a manpikin fu Netanya, du. 12  Dati meki den teki ala den srudati èn den hari go feti nanga Ismael, a manpikin fu Netanya. Ne den feni en na Gibeon na a presi pe furu watra de.+ 13  Fa den sma di ben de nanga Ismael si Yohanan, a manpikin fu Kareya, nanga den legre-edeman di ben de nanga en, den bigin bari fu prisiri. 14  Ne ala den sma di Ismael ben tyari gowe fu Mispa+ leki katiboman, drai go na Yohanan, a manpikin fu Kareya. 15  Ma Ismael, a manpikin fu Netanya, lowe gi Yohanan.+ Nanga aiti man a lowe go na den Amonsma. 16  Dan Yohanan,+ a manpikin fu Kareya, nanga ala den legre-edeman di ben de nanga en, fri ala den sma di ben tan abra. Ismael, a manpikin fu Netanya, ben meki den sma disi gowe fu Mispa, baka di a ben kiri Gedalia,+ a manpikin fu Ahikam. Na so ala den heihei man, den srudati, den man, den uma, nanga den pikin komoto na Gibeon. 17  Ne den go tan na wan sribipresi na Kimham di ben de na ini a birti fu Betlehem.+ Den ben de na pasi e go na Egepte,+ 18  fu di den ben wani lowe gi den Kaldeyasma.+ Den ben e frede den Kaldeyasma,+ fu di Ismael, a manpikin fu Netanya, ben kiri Gedalia, a manpikin fu Ahikam,+ di a kownu fu Babilon ben poti leki tiriman fu a kondre.+

Futuwortu