Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Yeremia 19:1-15

19  Disi na san Yehovah taki: „Teki wan prapi di wan patu-bakriman meki,+ èn kari wan tu prenspari man fu a pipel nanga wan tu prenspari priester kon.  Go na a lagipresi fu a manpikin fu Hinom+ di de na Brokopatu-portu. Drape yu musu taki san mi o taigi yu.+  Yu musu taki: ’Un kownu fu Yuda nanga un sma di e tan na ini Yerusalem,+ arki san Yehovah abi fu taki. Yehovah di e tiri den legre,+ a Gado fu Israel, taki: „Luku, mi o tyari wan rampu kon na a presi disi. A sani disi o seki iniwan sma di yere fu en.+  Disi o pasa nanga den fu di den gowe libi mi+ èn den kenki a heri presi disi.+ Den tyari smoko-ofrandi gi tra gado di den, den afo fu den, nanga den kownu fu Yuda no ben sabi.+ Den furu a presi disi nanga a brudu fu den wan di den kiri fu soso.+  Den bow hei presi fu anbegi Bâal. Den tyari den manpikin fu den fu bron leki heri bron-ofrandi gi Bâal.+ Noiti mi ben taigi den fu du dati.+ So wan sani no ben kon na ini mi prakseri srefi.”’+  ’Yehovah taki: „Fu dati ede wan ten o kon te sma no o kari a presi disi Tofet+ di de na ini a lagipresi fu a manpikin fu Hinom.+ Na presi fu dati den o kari en a lagipresi pe den e kiri sma.  Na a presi disi mi o meki taki den sma fu Yuda nanga Yerusalem no man du moro san den abi na prakseri.+ Mi o meki feanti kiri den nanga feti-owru. Iya, mi o libi ala sma di wani kiri den, meki den kiri den.+ Mi o meki den dedeskin fu den tron nyanyan gi den meti di e frei na loktu èn gi den busimeti.+  Sma o skreki te den e si san mi du nanga a foto. Den o froiti fu di den e fruwondru srefisrefi.+ Iya, solanga wan sma pasa a foto, a o luku nanga opo mofo èn a o froiti fu di a e fruwondru taki someni rampu miti den.+  Mi o meki den feanti lontu den, dan den o pina èn den o bruya. Iya, den wan di wani kiri den, o kwinsi den. Dan den o nyan den eigi manpikin nanga den umapikin fu den èn den o nyan makandra.”’+ 10  Dan yu musu broko a prapi na fesi den man di de nanga yu. 11  Yu musu taigi den: ’Yehovah di e tiri den legre taki: „Mi o broko a pipel nanga a foto disi neleki fa wan sma e naki wan prapi fu wan patu-bakriman na pisipisi, so taki a no man meki moro.+ Den o beri so furu sma na Tofet+ taki presi no o de moro.”’+ 12  Yehovah taki: ’Na dati mi o du nanga a presi disi èn nanga den sma di e tan dyaso. Iya, mi o meki a foto disi tron leki Tofet.+ 13  Den oso na ini Yerusalem èn den oso fu den kownu fu Yuda o tron leki a presi Tofet.+ Na dati o pasa nanga ala den oso, fu di sma doti den di den go na tapu den daki fu tyari smoko-ofrandi gi den sani na hemel+ èn di den tyari dringi-ofrandi gi tra gado.’”+ 14  Baka dati Yeremia komoto na Tofet+ pe Yehovah ben seni en go fu taki profeititori. Dan a go tanapu na ini a dyari fu na oso fu Yehovah. A taigi ala sma:+ 15  „Disi na san Yehovah di e tiri den legre, a Gado fu Israel, taki: ’Luku, mi o tyari rampu kon na tapu a foto disi èn na tapu ala den tra foto na ini a birti, soleki fa mi ben taki. Mi o du disi fu di den sma tranga-ede èn den no e du san mi taki.’”+

Futuwortu