Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Yakobus 5:1-20

5  We dan, un guduman,+ un arki. Krei, iya, bari krei fu den nowtu di o miti unu.+  Den gudu fu unu pori èn woron nyan den krosi fu unu.+  A gowtu nanga a solfru fu unu frustu gowe. A frustu fu den o kotoigi teige unu èn a o nyan a meti fu un skin. Den sani di unu tyari kon na wán o de neleki wan faya+ na ini den lasti dei.+  Luku, a moni di unu no pai den wrokoman di koti nyanyan na den gron fu unu,+ e tan bari.+ Yehovah di e tiri den legre yere+ fa den wrokoman di koti a nyanyan, bari suku yepi.+  Un heri libi un feti fu kisi gudu. San un ati ben firi na dati un ben e du na grontapu.+ Un ati de leki meti di e kon fatu, srefi na a dei di sma o srakti den.+  Unu krutu a reti-ati sma. Unu kiri en srefi. A e kakafutu gi unu.+  Fu dati ede, brada, abi pasensi teleki Masra kon.+ Luku, a gronman e wakti a bun nyanyan di a gron e gi. A e wakti nanga pasensi teleki a pikin alenten nanga a bigi alenten* bigin.+  Unu musu abi pasensi tu.+ Teki deki-ati, bika a ten taki Masra o kon, de krosibei.+  Un brada, no soktu fu den sani di trawan e du, so taki unu no kisi krutu.+ Luku, a Krutuman e tanapu na mofodoro.+ 10  Un brada, teki a bun eksempre+ fu den profeiti+ di ben taki na ini a nen fu Yehovah.+ Den ben e pina fu den ogri di miti den+ èn den ben abi pasensi.+ 11  Luku, wi e taki dati den sma di horidoro,+ na koloku sma. Unu yere fa Yob ben horidoro+ èn unu si fa Yehovah meki sani waka gi en.+ Unu si taki Yehovah lobi sma trutru èn taki a abi sari-ati.+ 12  Ma a moro prenspari sani, mi brada, na taki un no musu sweri moro na hemel noso na grontapu èn na nowan tra sani.+ Ma te unu taki Iya, dan meki a tan Iya. Te unu taki Nôno, dan meki a tan Nôno, so taki Gado no krutu unu.+ 13  Efu wan fu unu e pina, meki a tan begi.+ Efu wan fu unu e prisiri, meki a singi prèisesingi.+ 14  Efu wan fu unu siki,*+ meki a kari den owruman+ fu a gemeente kon na en. Meki den begi gi en èn salfu en nanga oli+ na ini a nen fu Yehovah. 15  Te den e begi nanga bribi, dan a sma di siki o kon betre+ èn Yehovah o meki a kisi ensrefi baka.+ Boiti dati, efu a du sondu, dan a o kisi pardon fu dati.+ 16  Sobun, taigi makandra krin+ san na den sondu fu unu èn begi gi makandra, so taki unu kan kon betre.+ A fayafaya begi fu wan reti-ati sma abi furu krakti+ èn a abi bun bakapisi. 17  Elia ben de wan man di ben abi den srefi firi leki wi,+ ma toku a ben begi fayafaya fu meki alen no fadon.+ Sobun, dri yari nanga siksi mun langa alen no fadon na ini a kondre. 18  Dan Elia begi baka. Ne alen fadon komoto na hemel èn a gron bigin gi nyanyan.+ 19  Mi brada, kon meki wi taki dati sma kori wan fu unu puru na a tru bribi èn wan tra sma e meki a drai kon baka.+ 20  Sabi dan taki a sma di puru wan sondari na a takru pasi fu en,+ o kibri a libi fu a sondari, so taki a no dede.+ A sma dati o tapu furu sondu.+

Futuwortu

A pikin alenten ben e bigin mindri fu a mun oktober. A bigi alenten ben e bigin mindri fu a mun april.
Soleki fa a sori, dan disi abi fu du nanga te sma no e anbegi Gado moro leki fa a fiti, so taki a de neleki den siki.