Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Tori fu den apostel 17:1-34

17  Baka di den ben waka pasa na ini Amfipolis nanga Apolonia, den doro na ini Tesalonika+ pe wan snoga fu den Dyu ben de.  Soleki fa Paulus ben gwenti,+ dan a go na den Dyu di ben de na inisei. Dri Sabat-dei a taki-go-taki-kon nanga den fu Gado Buku.+  A gebroiki den sani di skrifi na ini Gado Buku fu buweisi èn fu tyari kon na krin taki Krestes ben musu pina+ èn taki a ben musu kisi wan opobaka.+ A ben taki: „A Yesus disi di mi e fruteri unu fu en, na en na Krestes.”+  A bakapisi ben de taki wan tu fu den tron bribiman+ èn den bigin waka nanga Paulus nanga Silas.+ Wan heri ipi fu den Grikisma di ben anbegi Gado èn furu fu den prenspari uma bigin waka nanga den tu.  Ma fu di den Dyu kon dyarusu,+ meki den tyari wan tu ogri man di ben gwenti fu anga-anga na wowoyo kon makandra fu tyari dyugudyugu kon na ini a foto.+ Den broko go na ini na oso fu Yason+ fu suku Paulus nanga Silas, so taki den ben kan tyari den go na dorosei na fesi den ipi-ipi sma.  Di den no feni den, den srepi Yason nanga wan tu tra brada tyari go gi den tiriman fu a foto èn den bari: „Den man disi di bruya sma na heri grontapu+ kon dyaso tu,  èn Yason meki den tan na en oso. Ala den man disi e pasa den wèt+ fu Grankownu, fu di den e taki dati wan tra kownu de+ di nen Yesus.”  Di den ipi-ipi sma nanga den tiriman fu a foto yere den sani disi, den ati bron srefisrefi.  Baka di den meki Yason nanga den trawan pai wan hei butu, den meki den gowe. 10  Di neti fadon,+ den brada seni Paulus nanga Silas go na Bereya wantewante èn di den doro drape, den go na ini a snoga fu den Dyu. 11  Tra fasi leki den sma fu Tesalonika, den sma fu Bereya ben de klariklari fu teki leri, bika den ben teki a wortu nanga den heri ati èn den ben e ondrosuku+ Gado Buku+ finifini ibri dei fu si efu den sani di den yere tru.+ 12  Fu dati ede furu fu den tron bribiman, sosrefi furu fu den lespeki+ Griki uma nanga Griki man. 13  Ma di den Dyu fu Tesalonika kon sabi taki Paulus fruteri den sma na Bereya a wortu fu Gado tu, dan den go drape fu gi sma deki-ati fu meki dyugudyugu.+ 14  Ne wantewante den brada seni Paulus go na sesyoro,+ ma Silas nanga Timoteyus tan na baka. 15  Ma den man di ben go nanga Paulus tyari en go te na Ateine. Baka di Paulus taigi den fu gi Silas nanga Timoteyus+ a boskopu fu kon na en wantewante, dan den gowe. 16  Di Paulus ben e wakti den na ini Ateine, a no ben lobi en+ di a si taki a foto lai popki di sma ben anbegi leki gado. 17  Fu dati ede a bigin taki nanga den Dyu+ na ini a snoga èn nanga den tra sma di ben e anbegi Gado. Ibri dei a ben e taki tu nanga den sma di a ben e miti na wowoyo.+ 18  Ma wan tu fu den Epikurus-sma nanga den Stoisisma di ben de filosofiaman+ bigin haritaki nanga en èn sonwan fu den ben taki: „Sortu lawlaw sani a man disi wani fruteri wi?”+ Trawan taki: „Soleki fa a sori, dan a e fruteri sma fu tra gado.” Den ben taki dati, fu di Paulus ben e fruteri sma a bun nyunsu fu Yesus èn fu na opobaka.+ 19  Fu dati ede den grabu en tyari go na a Areopagus* èn den taigi en: „San na den nyun sani disi di yu e leri sma?+ 20  Yu e leri wi sani di wi no sabi. Wi wani sabi san den sani disi wani taki.”+ 21  Fu taki en leti, ala den sma fu Ateine nanga den trakondre sma di ben tan drape, ben gwenti fu fruteri tori èn fu arki nyun tori te den no ben abi noti fu du. 22  Paulus ben go tanapu na mindrisei fu na Areopagus+ èn a taki: „Sma fu Ateine, mi e si taki unu abi lespeki gi den gado,+ moro leki tra sma. 23  Bika di mi ben e waka pasa, mi teki mi ten luku den sani di unu e anbegi èn mi si sosrefi wan altari pe ben skrifi na tapu: ’Gi wan gado di wi no sabi.’ We, na fu a Gado disi di unu e anbegi sondro taki unu sabi en, mi e fruteri unu. 24  A Gado di meki grontapu nanga ala sani na en tapu, na en na Masra fu hemel nanga grontapu+ èn a no e tan na ini tempel di libisma meki.+ 25  Libisma no e sorgu en tu, neleki a ben sa abi wan sani fanowdu,+ bika na en e gi ala sma libi,+ a e meki den bro+ èn a e gi den ala sani. 26  Fu wán sma nomo+ a meki ala tra sma+ fu libi na heri grontapu.+ Na en bosroiti san na a reti ten taki sani musu pasa+ èn pe sma musu tan.+ 27  Gado wani taki sma musu suku en fayafaya+ èn taki den musu feni en trutru.+ Fu taki en leti, a no de fara fu nowan fu wi. 28  Bika na en meki taki wi de na libi,+ taki wi e buweigi èn taki wi de. A de leki fa sonwan fu un eigi puwema-skrifiman+ taki: ’Bika wi na pikin fu en tu.’ 29  Fu di wi na pikin fu Gado,+ meki wi no musu denki taki Gado+ de leki wan sani di meki fu gowtu, solfru, noso ston, noso leki wan popki di libisma meki nanga den eigi koni.+ 30  Gado no e poti prakseri na a ten di sma ben du sani sondro fu sabi.+ Ma now a e taigi ala libisma na ala sei taki den musu abi berow.+ 31  Bika a poti wan dei pe a o gi wan man a wroko fu krutu+ ala sma na grontapu na wan reti fasi. Ala sma kan de seiker fu disi, fu di a gi en wan opobaka.”+ 32  We, di den yere taki sma o kisi wan opobaka, dan wan tu fu den bigin spotu,+ ma trawan taki: „Yu musu fruteri wi moro fu a tori disi wan tra leisi.” 33  Ne Paulus komoto na den mindri. 34  Ma sonwan fu den bigin waka nanga en èn den tron bribiman. Yu ben abi Dionisiyus, wan krutuman fu a krutu-oso fu na Areopagus,+ wan uma di nen Damaris, nanga tra sma.

Futuwortu

Wan pikin bergi na Ateine fu owruten pe den sma fu a Grankrutu ben e kon makandra.