Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Singi fu Salomo 8:1-14

8  Mi winsi taki yu ben de leki wan brada gi mi+ di soigi den bobi fu mi mama!+ Efu mi ben o miti yu na dorosei, dan mi ben o bosi yu.+ Sma no ben o wisiwasi mi fu dati.  Mi ben o tyari yu go na ini na oso fu mi mama+ di ben gi mi leri fosi. Mi ben o meki yu dringi win+ di abi spesrei na ini èn mi ben o meki yu dringi a watra di mi kwinsi komoto fu granaki-apra.  A kruktu-anu fu mi lobiwan ben o de na ondro mi ede. En reti-anu ben o brasa mi hori.+  Un uma fu Yerusalem, mi meki unu sweri taki un no o pruberi fu meki mi kisi lobi firi, solanga a firi disi no kon fu ensrefi.”+  „Suma na a uma+ di e komoto na ini a sabana+ èn di e anga na tapu a lobiwan fu en?”+ „Yu ben de na ondro na aprabon di mi wiki yu. Na drape yu mama ben abi hebi pen di a ben de fu kisi yu. Na drape a ben de di a kisi yu nanga hebi pen.+  Poti mi leki wan stampu na tapu yu ati,+ iya, leki wan stampu na tapu yu anu, bika lobi tranga leki dede.+ Iya, neleki fa Grebi* no e lusu den wan di a e hori, na so tru lobi no e lusu a sma di a e hori.+ A faya fu en de leki a faya fu Yah.+  Bigi watra srefi no man kiri lobi+ èn liba srefi no man wasi en gowe.+ Awinsi wan man ben o seri ala den gudu fu en fu kan bai lobi, toku sma no ben o wani den gudu dati kwetikweti.”  „Wi abi wan pikin sisa+ di no abi bobi ete. San wi o du nanga wi sisa na a dei di sma o kon aksi fu trow nanga en?”  „Efu a de wan skotu,+ dan wi o poti solfru na en tapu, ma efu a de wan doro,+ dan wi o tapu en nanga wan sedreplanga.” 10  „Mi na wan skotu èn den bobi fu mi de leki toren.+ Fu dati ede mi lobiwan e si mi leki wan uma di no e bruya esi. 11  Wan ten, Salomo ben abi wan droifidyari+ na Bâal-Hamon. A ben meki sma luku a droifidyari disi gi en.+ Ibriwan fu den sma disi ben e pai wán dusun pisi solfru gi den froktu fu a dyari disi. 12  Mi droifidyari na fu mi. Na fu mi a o tan. We Salomo, den wán dusun pisi solfru na fu yu èn tu hondro pisi solfru na fu den sma di e luku a droifidyari gi yu.” 13  „Yu di e tan na ini den dyari,+ den mati fu mi e yere yu sten. Kon meki mi yere yu sten tu.”+ 14  „Mi lobiwan, lon gowe. Kon tron leki wan dia, noso leki a pikin fu wan dia di e lon na tapu den bergi pe spesrei e gro.”+

Futuwortu

Hebrew wortu: syeol. Luku „Moro sani”, nr. 10.