Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Singi fu Salomo 6:1-13

6  „Yu na a moro moi uma di de.+ Pe a lobiwan fu yu go? Taigi wi pe a lobiwan fu yu go, so taki wi kan go suku en makandra nanga yu.”  „A lobiwan fu mi go na a moi dyari+ fu en, iya, a go na a dyari nanga den bedi pe bromki prani di e smeri switi.+ A go drape fu luku den skapu+ fu en èn fu piki leilibromki.  Mi na fu mi lobiwan èn mi lobiwan na fu mi.+ A e luku den skapu+ fu en na mindri den leilibromki.”  „Mi gudu,+ yu moi leki Switi Foto.*+ Yu moi leki Yerusalem.+ Yu kefalek leki den legre+ di e tanapu lontu den fraga fu den.+  No luku mi,+ bika te yu e luku mi, mi e bruya. Yu wiwiri de leki wan ipi krabita di e dyompodyompo te den e saka komoto fu Gilead.+  Yu tifi weti èn den moi. Den de leki wan ipi umaskapu di den skapuman wasi didyonsro, iya, leki umaskapu di gwenti kisi twelengi èn di no lasi nowan pikin ete.+  Na baka a moi duku di yu poti na tapu yu ede, yu sei-ede de leki wan pisi granaki-apra.+  Mi teki siksitenti uma leki mi wefi èn mi e libi nanga ete aititenti uma. Boiti dati, mi e libi tu nanga someni yonguwenke.+  Ma toku wán uma de di de mi doifi+ èn di no abi nowan fowtu.+ Wán uma de di de a wan-ai karu fu en mama. A e libi wan krin libi èn en ati krin. Den tra yongu uma si en èn den taki dati en na wan koloku uma. Iya, den wefi fu kownu nanga den tra uma fu en, e prèise a yongu uma disi.+ 10  Den e taki: ’Suma na a uma+ disi di e luku kon na ondro, neleki fa a leti fu musudei+ e luku kon na ondro? Suma na a uma di moi leki a furu mun+ èn di soifri leki a brenki son,+ iya, di kefalek leki den legre di e tanapu lontu den fraga fu den?’”+ 11  „Mi saka go na a dyari+ di lai nanga notobon. Mi go na a lagipresi+ fu luku den bromki di no ben opo ete. Mi ben wani go luku efu den droifibon ben e kisi yongu wiwiri kaba èn efu den granaki-aprabon ben e gi bromki kaba.+ 12  Fosi mi kisi misrefi, mi doro te na den asiwagi fu den heihei man fu mi kondre, fu di mi ben e angri fu si den sani disi.” 13  „Sulem-uma, drai kon baka, drai kon baka! Iya, drai kon baka, drai kon baka meki wi si yu!”+ „San fu a Sulem-uma unu lobi so?”+ „Te wi e luku en, a gersi leki wi e si sma fu tu kampu e dansi nanga makandra!”

Futuwortu

Noso: „leki a foto Tirsa.”