Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Singi fu Salomo 3:1-11

3  Na neti di mi ben de na tapu mi bedi, mi ben angri fu de nanga mi lobiwan.+ Iya, mi ben e angri fu en, ma a no ben de.  Tangitangi, meki mi opo, dan mi o waka luku lontu na ini a foto.+ Meki mi go na den strati èn na den pren+ fu suku a lobiwan fu mi. Mi suku en, ma mi no feni en.  Den waktiman+ di ben e waka lontu na ini a foto, tuka nanga mi. Ne mi aksi den: ’Un si a lobiwan fu mi?’  A no langa baka di mi gowe fu den man disi, mi feni a lobiwan fu mi. Mi grabu en hori. Mi no ben wani lusu en moro, solanga mi no ben tyari en go na mi mama oso, iya, solanga mi no ben tyari en go na ini a kamra fu na uma di meki mi.  Un uma fu Yerusalem, mi meki unu sweri+ na den umadia fu sabana,+ taki un no musu pruberi fu meki mi kisi lobi firi, solanga a firi disi no kon fu ensrefi.”+  „San e opo kon drape na ini a sabana leki smoko? A sani e smeri soso mirre nanga switismeri sani,+ iya, a e smeri leki den difrenti sortu switismeri puiri di bisnisman e seri.”+  „Luku, na a langa bangi fu en, iya, na a langa bangi fu Salomo. Siksitenti tranga man e tanapu lontu a bangi, iya, man di den teki puru na mindri den tranga man fu Israel.+  Den alamala abi wan feti-owru èn den leri fa fu feti. Ibriwan fu den abi en feti-owru na en seibere, fu di den frede den ogri di kan miti den na neti.”+  „Na a langa bangi* di Kownu Salomo meki gi ensrefi fu na udu fu den bon fu Libanon.+ 10  Den pikin pilari di e hori a daki di de na tapusei fu a langa bangi, a meki fu solfru èn a baka fu a bangi nanga den sani pe a e poti en anu, a meki fu gowtu. A pisi fu a bangi pe a e sidon, a meki fu skapu-wiwiri di ferfi kon redi. Den uma fu Yerusalem poti ala sortu moimoi sani na a bangi èn na a inisei fu a daki.” 11  „Un uma fu Sion, un go na dorosei. Un go luku Kownu Salomo. A weri a moi kransi+ di en mama+ ben meki gi en na en trowdei, iya, na a dei di a ben e firi prisiri+ srefisrefi.”

Futuwortu

Wan moi langa bangi noso bedi di meki spesrutu fu syow wan kownu.