Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Singi fu Salomo 1:1-17

1  Na Salomo+ skrifi a singi disi. Na a moro moi singi+ di de. A e taki:  „Bosi mi nanga den bosi fu yu mofo,+ bika den fasi fa yu e sori taki yu lobi mi, switi moro win.+  Den oli+ di yu poti, e smeri switi. Yu nen+ de gi mi leki oli di kanti na tapu na ede. Dati meki yongu uma lobi yu.  Hari mi kon nanga yu.+ Meki wi lon gowe, bika Kownu tyari mi go na ini den kamra fu en oso!+ Meki wi firi bun èn meki mi nanga yu firi prisiri. Meki wi taki fu a fasi fa yu sori lobi gi mi, bika a lobi fu yu switi moro win.+ A no de fu fruwondru taki yongu uma lobi yu.+  Un uma fu Yerusalem,+ mi na wan yongu uma. Mi skin dungru, ma mi moi. Mi skin dungru leki den tenti fu Keidar,+ ma toku mi moi leki den tentikrosi+ fu Salomo.  Un no musu luku a dungru skin fu mi, bika na a son bron mi so. Mi eigi brada ben ati bron nanga mi. Den poti mi fu luku droifidyari. Dati meki mi no ben man luku mi eigi droifidyari.+  Yu di mi lobi+ so, taigi mi pe yu e luku den skapu+ fu yu. Taigi mi pe yu e meki den skapu fu yu rostu na brekten, bika fu san ede mi ben sa wakawaka lontu na mindri den skapu fu yu mati, leki wan uma di weri rowkrosi?”  „Yu di de a moro moi uma di de,+ efu yusrefi no sabi, dan waka a pasi pe den skapu ben waka èn tyari den yongu krabita fu yu go krosibei fu den tenti fu den skapuman.”  „Mi gudu,+ yu de gi mi leki wan fu den moi asi di e hari den asiwagi fu a kownu fu Egepte.+ 10  Yu fesi moi fu si na mindri den frekti fu yu. Yu neki moi te yu weri wan krara keti.+ 11  Wi o meki moi edebanti fu gowtu gi yu,+ nanga pikin solfru krara.” 12  „Solanga Kownu e sidon na en lontu tafra, yu man smeri a switismeri fu mi.+ 13  A lobiwan fu mi de gi mi leki wan pikin saka nanga mirre.+ Te a o sribi na neti, a o poti en ede na tapu mi borsu.+ 14  Mi lobiwan de gi mi leki wan bosu henna-bromki+ di e smeri switi na ini den droifidyari fu En-Gedi.”+ 15  „Luku fa yu moi, mi gudu.+ Luku fa yu moi. Yu ai de leki den ai fu doifi.”+ 16  „Mi lobiwan, luku fa yu moi.+ Yu abi switifasi tu. A bedi+ fu wi na den yongu wiwiri fu den bon. 17  Den sedrebon+ na den dwarsbarki fu a moi oso fu wi èn den yaneifer-bon na den planga di poti na tapu a daki fu wi oso.

Futuwortu