Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Sari singi 4:1-22

א [Alef] 4  A gowtu di ben e brenki, iya, a bun gowtu, kon dòf!+ Sma libi den ston fu a santa presi+ na den uku fu ala strati! ב [Bet]   Fosi, den manpikin fu Sion ben de leki diri gudu,+ iya, den ben warti leki soifri gowtu. Now den warti a srefi leki den prapi fu klèidoti di wan patu-bakriman e meki!+ ג [Gimel]   Iya, den sabanadagu srefi gi den pikin fu den bobi, iya, den gi den bobimerki fu dringi. Ma den umapikin fu mi pipel e tron ogri-ati sma,+ neleki den stroisifowru na sabana.+ ד [Dalet]   A tongo fu den beibi tan fasi na a tapusei fu den inimofo, fu di watra e kiri den.+ Den pikin aksi den mama brede fu nyan.+ Nowan sma no de di e prati brede gi den.+ ה [He]   Den sma di ben gwenti nyan switi nyanyan, e skreki now te den e waka lontu na strati.+ Den sma di ben gwenti weri diri redi krosi di den ben e gro kon,+ ben abi fu go didon na tapu asisi-ipi.+ ו [Waw]   A strafu di na umapikin fu mi pipel e kisi fu den sondu fu en, hebi moro a strafu di den sma fu Sodom ben kisi fu den sondu fu den.+ Gado ben drai a foto disi tapu wantronso èn nowan sma ben go yepi den sma drape.+ ז [Sayin]   A buba fu den Nasireisma+ fu Sion, ben krin+ èn den ben weti moro merki. Den skin ben redi moro koraal-ston.+ Den ben e brenki leki safir-ston.+ ח [Ket]   Now den fesi kon blaka pikapika. Te den e waka na strati, nowan sma sabi taki na den.+ A buba fu den skin e anga na den bonyo.+ A kon drei leki wan bon. ט [Tet]   Den sma di trawan kiri nanga feti-owru,+ betre moro den sma di dede di angriten miti den,+ Bika den e dede gowe, fu di den gron fu den no e gi nyanyan. A gersi leki sma boro den nanga wan feti-owru. י [Yod] 10  Den uma di ben gwenti abi sari-ati nanga sma, bori den eigi pikin.+ Na a ten di na umapikin fu mi pipel ben brokosaka, den pikin disi kon de leki brede di wan sma e nyan fu kan kisi krakti baka.+ כ [Kaf] 11  Yehovah sori na atibron fu en.+ Iya, a kisi bigi atibron.+ A meki wan bigi faya bron na ini Sion. A faya disi e bron a fondamenti fu a foto.+ ל [Lamed] 12  Nowan fu den kownu fu grontapu nanga den sma di ben e libi na grontapu, ben wani bribi+ Taki gensman nanga feanti ben o pasa kon na ini den portu fu Yerusalem.+ מ [Mem] 13  A sani disi pasa, fu di den profeiti fu Yerusalem sondu èn fu di den priester fu a foto disi du ogri.+ Iya, den kiri reti-ati sma na ini a foto.+ נ [Nun] 14  Den profeiti nanga den priester wakawaka lontu na strati+ leki breniman.+ Den kon doti nanga brudu,+ So taki nowan sma ben kan fasi den krosi fu den.+ ס [Samek] 15  „Un komoto na wi fesi! Unu no krin!”,+ na so den sma e bari gi den. „Un komoto na wi fesi! Un komoto na wi fesi! No fasi wi!”+ Den sma e taki disi, fu di den profeiti nanga den priester no abi wan presi moro fu tan.+ Boiti dati, den e wakawaka lontu nomo.+ Den trakondre sma e taki: „Den no o tan dyaso moro.+ פ [Pe] 16  Yehovah srefi meki den panya go na ala sei.+ A no o luku den moro nanga wan ai.+ Sma no o sari den priester srefi.+ Den no o du bun gi den owru sma srefi.”+ ע [Ayin] 17  Wi de ete, ma wi ai kon weri trutru, bika na fu soso wi e wakti wan sma fu yepi wi.+ Wi luku lontu efu wan kondre de di kan frulusu wi, ma nowan kondre no de.+ צ [Tsade] 18  Ala yuru den e hari kon na wi baka.+ Wi no man waka na den pren fu wi srefi. A ten doro taki wi o dede. A yuru fu wi doro kaba, bika wi o dede.+ ק [Kof] 19  Den sma di hari kon na wi baka, gaw moro aka di e frei na loktu.+ Na tapu den bergi den hari kon na wi baka.+ Na ini a sabana den seti luru gi wi.+ ר [Resj] 20  A salfuwan fu Yehovah,+ iya, a wan di de leki a bro di e komoto na ini wi noso-olo,+ fadon go na ini wan bigi olo.+ Fu a sma disi wi ben taki: „Wi o tan na ini a skaduw fu en+ na mindri den trakondre sma.”+ ש [Sin] 21  Umapikin fu Edom,+ yu di e tan na ini a kondre Us,+ yu musu prisiri èn yu musu breiti pasa marki.+ Yu srefi o kisi a kan fu dringi.+ Yu o kon drungu èn yu o de sososkin.+ ת [Taw] 22  Umapikin fu Sion, yu no o kisi strafu moro gi a sondu fu yu.+ Gado no o meki sma tyari yu gowe moro leki katiboman.+ Umapikin fu Edom, a poti prakseri na den sondu fu yu. A tyari den sondu fu yu kon na krin.+

Futuwortu