Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Sari singi 3:1-66

א [Alef] 3  Mi na wan man di si soso pina,+ fu di Gado ati ben bron srefisrefi èn a strafu wi.   Na mi a e sori a pasi èn na mi a e meki waka na ini dungru. A no e meki mi waka na ini a leti.+   Iya, heri dei a e gens mi.+ ב [Bet]   A meki taki a meti nanga a buba fu mi skin e pori gowe.+ A broko den bonyo fu mi.+   A bow wan skotu lontu mi. Iya, a lontu mi+ nanga wiwiri di kan kiri sma+ èn nanga problema.   A meki mi sidon na dungru presi,+ neleki wan man di dede langa ten kaba.+ ג [Gimel]   A tapu pasi gi mi. A gersi leki na wan ston skotu a meki, so taki mi no man go na dorosei.+ A tai mi anu nanga mi futu nanga hebi kopro bui.+   Boiti dati, te mi e bari kari en fu yepi mi, a no wani arki den begi fu mi.+   Nanga ston di sma koti puru na ini bergi, a tapu pasi gi mi.+ A meki den pasi fu mi kon lai boktu.+ ד [Dalet] 10  Leki wan beer di e suku fu nyan wan meti,+ iya, leki wan lew di e luru na wan kibripresi,+ na so Gado e du nanga mi. 11  A bruya den pasi fu mi èn a meki mi kon de leki wan sma di no man du noti. A libi mi meki mi de mi wawan.+ 12  A trapu a bo fu en,+ fu boigi en. A poti mi fu sutu mi nanga peiri.+ ה [He] 13  A sutu den niri fu mi nanga peiri di ben de na ini en peirikokro.+ 14  Ala sma di e gens mi, e teki mi leki spotupopki now.+ Heri dei den e singi wan lo sani fu spotu mi.+ 15  A gi mi nofo bita sani fu nyan.+ A meki mi nyan udu fu wan bitabon.+ ו [Waw] 16  A e meki mi kaw pikin ston, so taki mi tifi e broko.+ A pusu mi go na ini asisi.+ 17  Boiti dati, yu drai yu baka gi mi, so taki sani no e waka bun gi mi. Mi kon frigiti san bun.+ 18  Mi e tan taki: „Mi lasi a glori fu mi. Na fu soso mi e wakti Yehovah.”+ ז [Sayin] 19  Memre a ten di mi ben e pina èn di mi no ben abi wan presi fu tan.+ Iya, memre a ten di mi ben e nyan na udu fu a bitabon nanga a wiwiri di e kiri sma.+ 20  A no abi misi taki yu o memre mi èn taki yu o beni fu yepi mi.+ 21  Na den sani dati mi o memre.+ Na fu dati ede mi o wakti yu.+ ח [Ket] 22  Na fu di Yehovah sori wi bun-ati,+ meki a no kiri wi.+ Iya, noiti wan ten o kon taki a no e sori sari-ati.+ 23  Ibri mamanten baka a e sori sari-ati.+ Ala ten yu kan frutrow na en tapu.+ 24  Mi taki: „Yehovah na a gudu di mi musu kisi.+ Dati meki mi o wakti en.”+ ט [Tet] 25  Yehovah e du bun gi a sma di e wakti en,+ iya, a e du bun gi a wan di e suku en.+ 26  A bun te wan sma e wakti+ Yehovah fu a frulusu en.+ Iya, a bun te a e wakti nanga pasensi.+ 27  A bun te wan man e nyan pina na ini en yongu yari.+ י [Yod] 28  Meki a sidon en wawan èn meki a tan pî,+ fu di na Gado poti a hebi disi na en tapu.+ 29  Meki a sutu en mofo go na ini a doti fu gron.+ Kande howpu de ete gi en.+ 30  Meki a poti en fesi gi a sma di e naki en.+ Meki a kisi so furu syen leki san a man tyari,+ כ [Kaf] 31  Bika Yehovah no o tan drai en baka gi en pipel fu ala ten.+ 32  Aladi a meki den firi sari,+ toku a o abi sari-ati nanga den, fu di a de wan Gado di e sori sma bun-ati.+ 33  A no lobi fu pina libisma èn a no lobi fu meki den firi sari.+ ל [Lamed] 34  Iya, Gado no lobi te sma e pina+ den wan na grontapu di de na ini katibo.+ 35  A Moro Heiwan no lobi te sma no e koti krutu na wan reti fasi gi trawan.+ 36  Yehovah no lobi en kwetikweti te wan sma e pai wan krutuman tyuku fu a no koti krutu na wan reti fasi.+ מ [Mem] 37  Suma taki dati wan sani musu pasa, efu Yehovah srefi no taki dati a musu pasa?+ 38  A mofo fu a Moro Heiwan no e moksi ogri nanga bun.+ 39  Fa wan libisma kan kragi fu den bakapisi fu den sondu fu en?+ נ [Nun] 40  Meki wi go ondrosuku san wi du, iya, meki wi go luku finifini san wi du.+ Meki wi drai go baka na Yehovah.+ 41  Meki wi opo wi anu go na loktu fu begi Gado di de na hemel, nanga wan krin ati.+ Meki wi taki: 42  „Wi sondu èn wi ben trangayesi yu.+ Yu no gi wi pardon.+ ס [Samek] 43  Nanga atibron yu tapu pasi gi wi+ èn doronomo yu e hari kon na wi baka.+ Yu kiri sma sondro fu sari den.+ 44  Nanga wan bigi wolku, yu tapu pasi gi wi fu taki nanga yu.+ Na so fasi den begi fu wi no man doro yu.+ 45  Yu meki taki den trakondre sma e si wi leki wan tegu sani, iya, leki wan ipi doti.”+ פ [Pe] 46  Ala den feanti fu wi opo den mofo fu taki ogri fu wi.+ 47  Bigi frede nanga na olo kon de fu wi.+ Wi kon de wi wawan èn wi broko saka.+ 48  Doronomo mi ai e lon watra, fu di na umapikin fu mi pipel brokosaka.+ ע [Ayin] 49  Mi krei langalanga watra-ai èn mi no o tapu fu krei. Iya, mi e tan krei,+ 50  Teleki Yehovah luku fu hemel kon na grontapu.+ 51  A e hati mi te mi e si+ san e pasa nanga den pikin dorpu di de krosibei fu a foto fu mi.+ צ [Tsade] 52  Sondro taki mi du den wan sani,+ den feanti fu mi onti mi, neleki fa sma e onti wan fowru.+ 53  Den pruberi fu meki mi libi kon na wan kaba na ini a grebi-olo+ èn den trowe ston na mi tapu. 54  Watra ben e sungu mi.+ Mi taki: „Na dede mi o dede!”+ ק [Kof] 55  Ke Yehovah, mi bari kari yu nen komoto fu a moro dipi olo di de.+ 56  Yu musu fu yere mi sten.+ Mi e begi yu, no tapu yu yesi, ma frulusu mi èn arki te mi e bari kari yu fu yepi mi.+ 57  A dei di mi ben e bari kari yu, yu kon krosibei.+ Yu taki: „No frede.”+ ר [Resj] 58  Yehovah, yu opo taki gi mi na ini wan krutu-afersi.+ Yu frulusu mi, so taki mi no dede.+ 59  Yehovah, yu si den ogri di sma du nanga mi.+ Mi e begi yu, te mi o go na krutu, opo taki gi mi.+ 60  Yu si fa den puru atibron na mi tapu, iya, yu si fa den seti sani fu du mi ogri.+ ש [Sin] noso [Syin] 61  Yehovah, yu yere fa den spotu mi, iya, yu si fa den seti sani fu du mi ogri.+ 62  Iya, yu yere sortu ogri den taki fu mi+ èn fa den e syusyu, e taki takru sani fu mi heri dei.+ 63  Mi e begi yu, luku fa den e gens mi. Na mi tori den e singi.+ ת [Taw] 64  Yehovah, yu o pai den baka fu den sani di den e du.+ 65  Yu o meki taki den no abi syen, iya, yu o fluku den.+ 66  Yehovah, nanga atibron, yu o hari go na den baka èn yu o kiri den,+ so taki den no de moro na grontapu.+

Futuwortu