Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Sari singi 1:1-22

א [Alef] 1  Ke, nowan sma de moro+ na ini a foto di ben lai nanga sma fosi!+A foto di ben lai nanga sma,+ kon tron leki wan uma di masra dede kaba!+Fosi, sma na ini tra kontren pe granman e tiri, ben e si en leki wan lespeki uma, ma now a kon de wan srafu!+ ב [Bet]   Te neti a e bari krei+ èn watra-ai e lon na en fesi.+Nowan fu den sma di ben lobi en, de fu trowstu en.+Ala den mati fu en bedrigi en.+ Den kon tron feanti fu en.+ ג [Gimel]   Sma tyari Yuda gowe leki katiboman, fu di a ben e pina trawan+ èn fu di a ben meki sma tron srafu.+A ben abi fu tan na mindri trakondre sma.+ Nowan presi a feni fu kan rostu.Ala den sma di ben e frufolgu en, kisi en na wan ten fu banawtu!+ ד [Dalet]   Den pasi fu Sion e sari, fu di nowan sma e waka kon na a fesa.+Ala den portu fu a foto broko.+ Den priester fu en e soktu.+Den yongu uma fu en e sari srefisrefi èn ensrefi e firi brokosaka tu.+ ה [He]   Den feanti fu en kon feti nanga en èn den wini en.+ Den feanti fu en no e broko den ede nanga noti.+Na Yehovah srefi meki taki a e firi sari, fu di a du someni ogri.+Feanti tyari den pikin fu Sion gowe leki katiboman.+ ו [Waw]   Na umapikin fu Sion e lasi ala en glori.+Den granman fu en de leki dia di no feni weigron fu nyan grasi.+Den e tan waka na fesi a sma di e hari go na den baka, aladi den no abi krakti.+ ז [Sayin]   Na a ten di sma ben e pina Yerusalem èn di sma fu a foto disi no ben abi wan tanpe, Yerusalem memreAla den bun sani di ben de sensi owruten.+A pipel fu en fadon na ini na anu fu den feanti èn nowan sma ben de fu yepi en.+Di den feanti si san pasa nanga en, den lafu en, fu di a fadon.+ ח [Ket]   Yerusalem du wan bigi sondu.+ Dati meki a kon de wan tegu sani.+Ala den sma di ben gi en glori fosi, kon si en leki wan bunkopu sani,+ fu di den si en sososkin.+En srefi e soktu+ èn a drai en baka gi sma, fu di a e firi syen. ט [Tet]   Den koto fu en doti.+ A no ben prakseri a tamara fu en.+Te a e fadon, ala sma e skreki. Nowan sma no de fu trowstu en.+Ke Yehovah, mi e pina. Poti prakseri na mi,+ bika den feanti kon kisi bigimemre.+ י [Yod] 10  Den feanti bradi den anu èn den teki ala den gudu fu Yerusalem tyari gowe.+Yerusalem si fa den trakondre sma kon na ini a santa presi fu en.+Yu ben taigi den sma disi fu no kon makandra nanga a pipel fu yu. כ [Kaf] 11  Ala sma fu Yerusalem e soktu. Na brede den e suku.+Den seri den gudu fu den, fu kan bai sani fu nyan, so taki den kan kisi krakti baka.+Ke Yehovah, mi e begi yu, luku san e pasa, bika mi kon de leki wan uma di no warti noti.+ ל [Lamed] 12  Unu di e waka pasa, un no e broko un ede nanga mi? Un luku, dan unsrefi o si.+Wan pen kan de di hebi moro a pen di mi e firi, fu di sma strafu mi?+Na Yehovah meki mi firi sari, fu di en ati e bron srefisrefi nanga mi.+ מ [Mem] 13  Komoto fu hemel, a seni faya kon fu bron den bonyo+ fu mi èn a e basi ibriwan fu den bonyo fu mi.A bradi wan nèt fu meki mi futu fasi na ini.+ A meki mi drai gowe baka.A meki mi tron wan uma di no abi nowan sma. Heri dei mi e firi siki.+ נ [Nun] 14  Fu di a ben de na ai, meki a si den sondu fu mi.+ Na ini en anu, a e hori den sondu fu mi di frekti kon na wán leki wan titei.Den sondu tai na mi neki.+ Mi kon lasi ala mi krakti.Yehovah gi mi abra na sma di mi no man opo feti nanga den.+ ס [Samek] 15  Yehovah puru ala den tranga fetiman fu mi na mi anu, dan a trowe den go na wan sei.+A kari sma kon makandra fu feti nanga mi, so taki den kan broko den yonkuman fu mi pisipisi.+Nanga en futu, Yehovah masi droifi na ini a baki+ fu na umapikin fu Yuda di no sribi nanga wan man ete.+ ע [Ayin] 16  Na den sani disi e meki taki mi e krei leki wan umasma.+ Mi ai, iya, mi ai e lon watra.+Nowan sma no de fu trowstu mi, iya, nowan sma de di kan meki mi kisi krakti baka.Den manpikin fu mi no abi howpu,+ fu di a feanti wini wi.+ פ [Pe] 17  Sion kon de wan foto di bradi en anu.+ Nowan sma no de fu trowstu en.+Yehovah taigi ala sma di e tanapu lontu Yakob taki den musu si Yakob leki a feanti fu den.+Yerusalem kon tron wan tegu sani gi den.+ צ [Tsade] 18  Yehovah ben abi leti fu strafu mi,+ fu di mi trangayesi den wèt fu en.+We, un arki, èn luku fa mi e sari.Sma teki mi eigi umapikin di no sribi nanga wan man ete èn mi eigi yonkuman, dan den tyari den gowe leki katiboman.+ ק [Kof] 19  Mi kari den sma di lobi mi trutru.+ Ma den kori mi.Den priester fu mi nanga den man fu mi foto di kon grani kaba, kon dede na ini a foto,+Di den ben e suku wan sani fu nyan fu kan kisi krakti baka.+ ר [Resj] 20  Ke Yehovah, luku, mi de na nowtu. Mi heri bere e drai.+Mi ati de na dyompo,+ bika mi trangayesi yu.+Na dorosei, sma e kiri den pikin fu mi nanga feti-owru,+ ma na ini oso sma e dede tu.+ ש [Syin] 21  Sma yere fa mi e geme leki wan umasma.+ Nowan sma no de fu trowstu mi.+Ala mi feanti yere sortu ogri miti mi.+ Den ben breiti srefisrefi, fu di na yusrefi du en.+Wan dei o kon, taki yu o du san yu ben pramisi fu du nanga den.+ Na a dei dati den o kon de leki mi.+ ת [Taw] 22  Poti prakseri na den ogri di den du èn strafu den,+Neleki fa yu strafu mi gi ala den sondu fu mi,+Bika den geme fu mi furu+ èn mi ati siki.+

Futuwortu