Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Sakaria 4:1-14

4  Baka dati na engel di ben e taki nanga mi, kon baka, dan a wiki mi neleki fa wan sma e wiki wan man di e sribi.+  Na engel aksi mi: „San yu e si?”+ Mi piki: „Mi e si wan kandratiki. A meki fu gowtu+ èn wan komki de na tapusei fu en. A kandratiki abi seibi lampu. Iya, seibi lampu+ de. Den lampu di de na tapu a kandratiki abi seibi peipi.  Tu olèifbon de na sei a kandratiki,+ wán na a reti-anusei fu a komki èn wán na a kruktu-anusei fu a komki.”  Ne mi aksi na engel di ben e taki nanga mi: „San den sani disi wani taki, masra?”+  Na engel di ben e taki nanga mi, aksi mi: „Yu no sabi srefisrefi san den sani disi wani taki?” Mi piki: „Nôno, masra.”+  Dan a taigi mi: „Disi na san Yehovah taigi Serubabel: ’„A no nanga yepi fu wan legre,+ noso wan makti,+ ma nanga yepi fu mi yeye+ ala den sani disi o pasa”, na so Yehovah di e tiri den legre taki.  Awinsi wan problema kon di bigi leki wan bergi,+ a o kon de leki wan plata kontren gi Serubabel.+ A o tyari wan ukuston kon.+ Te sma si en, den o bari:+ „Luku fa a moi! Luku fa a moi!”’”+  Dan Yehovah taigi mi:  „Na den anu fu Serubabel poti a fondamenti fu a tempel+ disi èn na en anu o kaba bow en.+ (Dan unu o sabi taki na Yehovah di e tiri den legre seni mi kon na unu.)+ 10  Suma meki spotu di unu bigin bow a tempel safrisafri?+ Now sma o prisiri+ te den si taki Serubabel abi wan pisi loto na ini en anu fu marki sani. Srefi den seibi ai o si dati. Den seibi ai disi na den ai fu Yehovah.+ Den e si ala sani na heri grontapu.”+ 11  Dan mi aksi: „San na den tu olèifbon di de na a reti-anusei nanga a kruktu-anusei fu a kandratiki?”+ 12  Mi aksi tu: „San na den tu taki fu den olèifbon di abi tu gowtu peipi di e meki gowtu oli lon go na a komki?” 13  Dan a aksi mi: „Yu no sabi srefisrefi san den sani disi wani taki?” Mi piki en: „Nôno, masra.”+ 14  Ne a taki: „Disi na den salfuwan. Tu fu den de,+ èn den e tanapu na sei a Masra fu heri grontapu.”+

Futuwortu