Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Sakaria 13:1-9

13  Na a ten dati+ den o diki wan peti+ gi den sma fu David èn gi den sma di e tan na Yerusalem fu wasi den sondu+ nanga den tegu sani puru.+  Na a ten dati”, na so Yehovah di e tiri den legre taki, „mi o sorgu taki nowan falsi gado de na ini a kondre moro+ èn nowan sma o memre den nen. Boiti dati, mi o puru den profeiti+ na ini a kondre èn nowan tegu denki o de drape.+  Efu wan man e taki profeititori, dan en papa nanga mama di meki en musu taigi en: ’Yu musu dede, fu di yu taki lei na ini a nen fu Yehovah.’ Dan en papa nanga en mama di meki en musu dyuku en kiri, fu di a taki profeititori.+  Na a ten dati ala den profeiti o kisi syen+ te den e taki profeititori fu den fisyun di den kisi. Den ben kori sma, fu di den ben e weri profeitikrosi fu metibuba di abi wiwiri.+ Ma now den no o du dati moro.  Den o taki: ’Mi a no profeiti. Mi na wan man di e wroko na den gron, bika wan sma bai mi leki srafu sensi mi yongu.’  Efu wan sma aksi den: ’San na den soro di yu abi na ini yu anu?’, dan den o piki: ’Na naki sma naki mi di mi ben de na ini na oso fu den wan di lobi mi.’”  Yehovah di e tiri den legre taigi a feti-owru: „Naki mi skapuman,+ iya, naki a man di de mi mati.+ Naki a skapuman,+ dan den skapu o panya go na ala sei.+ Dan mi o langa mi anu fu du bun gi den wan di no de prenspari.”+  „Na ini a heri kondre”, na so Yehovah taki, „moro furu fu den sma o dede.+ Wan tu sma nomo o tan abra na ini a kondre.+  Mi o meki a pikin grupu disi pasa na ini faya+ èn mi o meki den kon krin neleki fa sma e krin solfru.+ Mi o luku den finifini neleki fa sma e luku finifini te den e krin gowtu.+ Na a grupu disi o kari mi nen èn mi o piki den.+ Mi o taki: ’Disi na mi pipel’,+ dan den o taki: ’Yehovah na wi Gado.’”+

Futuwortu