Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Romesma 6:1-23

6  Sobun, san wi sa taki dan? Wi sa tan du sondu, so taki Gado kan sori wi moro bun-ati?+  Kwetikweti! Now di wi de leki dede sma te a abi fu du nanga sondu,+ dan fa wi kan tan libi na ini sondu ete?+  Unu no sabi taki wi alamala di dopu èn di de wán nanga Krestes Yesus now,+ dopu fu dede tu, neleki en?+  Fu di wi dopu fu dede neleki en, meki Gado beri+ wi tu nanga en. Dati meki wi musu libi wan nyun libi,+ neleki fa Krestes e libi wan nyun libi, baka di a kisi wan opobaka nanga yepi fu a bigi krakti fu a Tata.+  Bika efu wi dede neleki en,+ dan a de seiker taki wi o kisi wan opobaka neleki en. Na a fasi disi wi de wán nanga en.+  Di sma spikri Krestes na wan postu, wi tapu fu de leki fa wi ben de fosi.+ Dati meki wi sondu skin no abi krakti na wi tapu moro,+ èn wi no musu de srafu fu sondu moro.+  Bika te wan sma dede, dan a no abi fu pai gi den sondu fu en moro.+  Boiti dati, efu wi dede nanga Krestes, wi e bribi taki wi o libi nanga en tu.+  Bika wi sabi taki now di Krestes kisi wan opobaka,+ a no sa dede moro.+ Dede no man basi en moro. 10  Bika di a dede, a dede wán leisi nomo+ fu puru sondu fu ala ten. Ma now di a e libi, a e libi gi Gado.+ 11  Na so a de tu nanga unu. Un musu si unsrefi leki dede sma+ te a abi fu du nanga sondu. Ma un musu si unsrefi leki sma di e libi+ gi Gado nanga yepi fu Krestes Yesus. 12  Fu dati ede, no meki sondu tiri leki kownu+ moro na ini un skin di o dede. No du san a sondu skin wani.+ 13  Sosrefi, no gebroiki un skin fu du sondu,+ sobun, no gebroiki en leki wan fetisani fu du ogri.+ Ma un musu gi unsrefi abra na Gado leki sma di kon na libi+ baka. Gebroiki un skin fu du san Gado wani, sobun, gebroiki en leki wan fetisani+ fu du bun. 14  No meki sondu basi unu, bika a Wèt no abi krakti na un tapu moro+ èn Gado sori unu bun-ati.+ 15  We, san dati wani taki dan? Wi o du wan sondu, fu di a Wèt no abi krakti na wi tapu moro+ èn fu di Gado sori wi bun-ati?+ Kwetikweti! 16  Unu sabi taki efu unu e gi yesi na wan sma ala ten, dan unu na srafu fu a sma.+ Sobun, efu unu na srafu fu sondu,+ unu o dede.+ Ma efu unu na srafu fu Gado èn unu e gi yesi na en,+ dan unu o de reti-ati sma.+ 17  Ma mi e taki Gado tangi, bika unu ben de srafu fu sondu, ma now unu e gi yesi na Gado nanga un heri ati èn unu e du san a leri unu.+ 18  Iya, now di unu kon fri+ fu sondu, unu tron srafu+ fu retidu.+ 19  Mi e taki na wan fasi di libisma man frustan makriki, fu di unu na swaki sondu sma.+ Fosi, unu ben gebroiki un skin+ fu du kruktudu èn unu ben de srafu fu wan doti libi+ èn fu kruktudu. Ma now un musu gebroiki un skin fu du santa sani+ èn un musu de srafu fu retidu. 20  Bika di unu ben de srafu fu sondu,+ unu no ben de srafu fu retidu. 21  Ma sortu bakapisi+ unu ben abi na a ten dati? Unu e syen now fu den sani+ di unu ben e du. Te fu kaba den sani disi e tyari dede kon.+ 22  Ma now unu kon fri fu sondu èn unu tron srafu fu Gado.+ A bakapisi+ fu dati na taki unu kon santa. Te fu kaba disi o meki unu kisi têgo libi.+ 23  Bika a pai fu sondu na dede,+ ma a kado+ di Gado e gi sma na têgo libi+ nanga yepi fu Krestes Yesus wi Masra.+

Futuwortu