Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Psalm 95:1-11

95  Kon, meki wi bari fu prisiri gi Yehovah!+ Meki wi bari fu prisiri èn prèise a Stonbergi pe wi kan feni frulusu.+   Meki wi kon na en fesi fu taki en tangi.+ Meki wi bari singi fu prisiri èn prèise en,+   Bika Yehovah na wan bigi Gado.+ A de wan Kownu di bigi moro ala tra gado.+   En na basi fu den moro dipi presi fu grontapu.+ Na en abi den hei bergi.+   A se di ensrefi meki, na fu en.+ Nanga en eigi anu a meki a drei gron.+   Un kon na inisei, meki wi anbegi en èn meki wi boigi gi en.+ Meki wi saka kindi+ na fesi Yehovah wi Mekiman.+   En na wi Gado èn wi na en pipel. Wi na skapu na a weigron fu en, fu di na en e sorgu wi.+ Te unu e arki en sten tide,+   Un no musu meki un ati kon tranga, soleki fa unu ben du na Meriba,+ Iya, leki fa unu ben du na a ten di unu ben de na Masa na ini a sabana.+   Na a ten dati den afo fu unu tesi mi.+ Aladi den si san mi du, toku den tesi mi.+ 10  Fotenti yari langa mi tegu gi den sma disi.+ Mi ben taki: „Ala ten a pipel disi e drai baka gi mi na ini den ati.+ Den no kon sabi den pasi fu mi.”+ 11  Na fu den mi ben sweri na ini mi atibron:+ „Den no o rostu leki mi.”+

Futuwortu