Go na content

Go na table of contents

Yehovah Kotoigi

Tongo Sranantongo

Psalm 94:1-23

94  Yehovah Gado di e pai ogri sma gi den sani di den e du,+Iya, mi Gado di e pai ogri sma gi den sani di den e du, mi e begi yu, meki yu leti skèin!+   Krutuman fu grontapu, mi e begi yu, opo du wan sani.+Strafu den heimemre sma.+   Yehovah, o langa den ogri sma o prisiri?+Iya, o langa den ogri sma o prisiri pasa marki?+   Den e tan taki wan lo sani nanga den mofo, iya, den e taki sani fu wisiwasi sma.+Ala den sma di e du hati sani nanga trawan, e meki bigi fu den sani di den e du.+   Yehovah, den e tan kwinsi a pipel fu yu.+Den e tan pina yu pipel di yu teki leki a gudu fu yu.+   Den e kiri den trakondre sma èn den uma di masra dede kaba.+Den e kiri den pikin sosrefi di no abi papa.+   Doronomo den e taki: „Yah no e si.+A Gado fu Yakob no sabi san e pasa.”+   Un sma di no abi frustan, un kon kisi frustan.+Un don sma, o ten unu o kon de koni sma?+   Unu denki taki a sma di meki a yesi, no man yere?+Noso unu denki taki a sma di meki na ai, no man si?+ 10  Unu denki taki a sma di e piri-ai gi den pipel+Èn di e gi sma leri, no man piri-ai gi unu tu?+ 11  Yehovah sabi fa libisma e prakseri. A sabi taki den de leki wan blo nomo.+ 12  Yah, koloku fu a man di yu e gi piri-ai+Èn di yu e leri den wèt fu yu,+ 13  So taki a no e bruya te ogri ten miti en.+Iya, a no o bruya, teleki na ogriwan fadon go na ini wan olo.+ 14  Yehovah no o gowe libi a pipel fu en.+A no o libi a pipel di a teki leki a gudu fu en,+ 15  Bika a o koti krutu na wan reti fasi baka,+Èn ala den reti-ati sma o horibaka gi a fasi fa a e koti krutu. 16  Suma o opo feti nanga den ogriman gi mi?+Suma o yepi mi, iya, suma o opo du wan sani nanga den sma di e du hati sani nanga trawan?+ 17  Efu Yehovah no ben yepi mi,+Dan a no ben o teki langa fosi mi dede.+ 18  Di mi taki: „Mi no o man waka bun, mi o fadon”,+Dan na a bun-ati fu yu, Yehovah, hori mi tanapu.+ 19  Di den prakseri fu mi di ben e trobi mi, ben kon hebi gi mi,+Dan na yu ben e trowstu mi, so taki mi ben man prisiri baka.+ 20  San den ogri-ati tiriman di e du kruka sani, o du? Den o wroko makandra nanga yu,+Aladi den e meki wèt fu kan du ogri?+ 21  Den e suku fu du ogri-ati sani nanga den reti-ati sma+Èn den e suku fowtu na den wan di no du ogri, soso fu kan kiri den.+ 22  Ma Yehovah o kon de wan bergi pe mi kan lon go kibri.+A Gado fu mi o kon de wan stonbergi gi mi pe mi kan feni kibri.+ 23  A o meki den ogri-ati sma dati pai gi den hati sani di den e du.+A o tapu den mofo nanga den ogri di den srefi e du nanga trawan.+Na Yehovah wi Gado o tapu den mofo gi den.+

Futuwortu