Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Psalm 92:1-15

Wan psalm, wan singi gi a Sabat-dei. 92  A bun fu taki Yehovah tangi+Èn fu singi prèisesingi gi a nen fu yu di de a Moro Heiwan.+   Iya, a bun fu singi fu yu bun-ati na mamanten,+Fu singi na neti fa yu e du ala ten san yu pramisi+   Èn fu prei bigi harpu.+Iya, a bun fu prei poku di e piki krin na tapu a harpu,+   Bika den sani di yu e du, Yehovah, e meki mi breiti.Mi e bari fu prisiri te mi e si den sani di yu meki.+   Yehovah, yu du bigi sani!+Den prakseri fu yu dipi so te, taki a no makriki fu frustan den.+   Nowan sma di no abi frustan, kan kon sabi den prakseri fu yu.+Nowan don sma man frustan den sani disi.+   Den ogriwan e sproiti leki grasi+Èn sani e go bun nanga den sma di e du hati sani nanga trawan.Ma te fu kaba den o kisi pori fu têgo.+   Ma yu, Yehovah, fu têgo yu hei moro ala sma.+   Yehovah, luku den feanti fu yu.+Iya, den feanti fu yu o kisi pori.+Yu o meki den wan di e du hati sani nanga trawan, panya go na ala sei.+ 10  Ma yu o meki mi kon tranga,* neleki wan mankaw fu a sabana.+Mi o lobi nyun oli gi mi skin.+ 11  Mi o prisiri te mi e si nanga mi eigi ai san pasa nanga den feanti fu mi.+Nanga mi eigi yesi mi o yere fa den sma di e opo feti nanga mi, iya, den ogriwan, lasi a strei. 12  Den reti-ati sma o de leki palmbon di e gi bromki.+Neleki den sedrebon na Libanon, na so den o gro kon bigi.+ 13  Den wan di prani na ini na oso fu Yehovah,+O de leki bon di e gi bromki na ini den dyari lontu na oso fu wi Gado.+ 14  Den o tan gro bun, srefi te den ede-wiwiri kon weti.+Ala ten den o fatu èn den o moi,+ 15  So taki den kan fruteri taki Yehovah e du sani na wan reti fasi.+En na mi Stonbergi.+ Ala ten a e du san reti.+

Futuwortu

Luku a marki na 1Sa 2:1.