Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Psalm 91:1-16

91  Iniwan sma di e libi na a presi pe a Moro Heiwan+ e kibri en,+O man tan na ini a kowrupe fu na Almaktiwan.+   Mi o taigi Yehovah: „Yu na mi kibripe èn mi fortresi,+Mi Gado di mi o frutrow.”+   Na en o puru yu na ini a trapu fu a sma di e fanga fowru.+Iya, a o kibri yu gi a takru siki di e tyari rampu kon.+   Nanga en frei a o tapu pasi gi trawan fu kon na yu.+Na ondro en frei yu o lon go kibri.+Fu di a e du ala ten san a e taki,+ meki a o de wan bigi skelt+ èn wan fortresi gi yu.   Yu no o frede nowan sani di e tapu skreki gi yu na neti+Èn yu no o frede a peiri+ di e frei na deiten.   Yu no o frede tu gi a takru siki di e panya go na ala sei na ini a dungru,+Noso gi iniwan sani di e tyari pori kon na mindridei.+   Wán dusun sma o fadon leti na yu seiÈn tin dusun sma na yu reti-anusei,Ma nowan ogri o miti yu.+   Yu o tanapu e luku nomo san e pasa+Èn yu o si fa den ogriwan e kisi strafu.+   Yu ben taki: „Yehovah na mi kibripe.”+Na so yu meki a Moro Heiwan srefi kon tron yu fortresi.+ 10  Nowan ogri o miti yu+Èn nowan rampu srefi o kon krosibei fu yu tenti,+ 11  Bika a o taigi den engel fu en+Fu no meki nowan sani pasa nanga yu.+ 12  Den o tyari yu na tapu den anu,+So taki noiti yu o naki yu futu na wan ston.+ 13  Yu o trapu a yongu lew nanga a kobrasneki.+A yongu lew di abi neki-wiwiri kaba nanga a bigi sneki, yu o trapu kiri nanga yu futu.+ 14  Gado taki: „Fu di a lobi mi,+Meki mi o frulusu en tu.+Mi o kibri en, fu di a kon sabi mi nen.+ 15  A o kari mi èn mi o piki en.+Mi o de nanga en te a de na nowtu.+Mi o frulusu en èn mi o gi en glori.+ 16  Mi o gi en langa libi+Èn mi o meki a si fa mi o frulusu en.”+

Futuwortu