Go na content

Go na table of contents

Yehovah Kotoigi

Tongo Sranantongo

Psalm 9:1-20

Gi a fesiman fu den sma di e prei Mut-Laben poku. Wan singi fu David. א [Alef] 9  Yehovah, nanga mi heri ati mi o prèise yu.+Mi o fruteri sma fu ala den kefalek moi sani di yu meki.+   Mi o prisiri nanga yu, iya, mi o breiti srefisrefi.+Moro Heiwan, mi o singi fu prèise yu nen.+ ב [Bet]   Te den feanti fu mi e hari gowe,+Den o fadon èn den o dede leti na yu fesi.+   Yu du gi mi san reti èn yu opo taki gi mi.+Yu go sidon na tapu yu kownusturu fu krutu sma na wan reti fasi.+ ג [Gimel]   Yu piri-ai gi den kondre fu grontapu.+ Yu kiri den ogriwan.+Yu figi a nen fu den puru fu ala ten, iya, fu têgo.+   A feanti kisi pori fu têgo.+A srefi sani pasa nanga den foto.+Noiti moro sma o taki fu den feanti fu yu.+ ה [He]   Fu ala ten Yehovah o sidon na tapu en kownusturu.+A e seti en kownusturu fu koti krutu.+   A o krutu den pipel fu grontapu na wan reti fasi.+A o krutu den sma fu den difrenti kondre fu grontapu, soleki fa a fiti.+ ו [Waw]   Yehovah o kon de wan bergi pe ala sma di e pina kan lon go kibri,+Iya, wan bergi pe sma kan go kibri te den de na nowtu.+ 10  Den sma di sabi yu nen o frutrow yu,+Bika yu no o gowe libi den wan di e suku yu, Yehovah.+ ז [Sayin] 11  Un pipel, singi fu prèise Yehovah di e tan na Sion.+Fruteri sma fu den sani di a du.+ 12  A o memre den mofinawan,+ te a o suku den sma di e kiri trawan.+A no o frigiti fa den bari kari en fu kisi yepi.+ ח [Ket] 13  Ke Yehovah, du bun gi mi. Luku fa den wan di no lobi mi, e pina mi.+Na yu e opo mi puru na den portu fu dede,+ 14  So taki mi kan fruteri sma fu ala den bigi sani di yu du.+Iya, mi o taki fu yu na den portu+ fu na umapikin fu Sion.+Na a fasi dati mi kan prisiri taki yu frulusu mi.+ ט [Tet] 15  Den pipel sungu go na ini a peti di den srefi diki.+Na ini a srefi nèt+ di den seti leki trapu, na drape den eigi futu go fasi.+ 16  Den sabi Yehovah leki wan sma di e koti krutu.+Den ogriwan go fasi na ini den trapu di densrefi seti.+Higayon. Sela. י [Yod] 17  Ogri sma+ o go na Grebi,*+Iya, ala den sma fu grontapu di e frigiti Gado.+ 18  A no fu ala ten Gado o frigiti den pôtiwan+Èn a howpu fu den safri-ati sma no sa de fu soso.+ כ [Kaf] 19  Ke Yehovah, mi e begi yu, opo! No meki libisma wini yu.+Meki den sma fu grontapu kon na yu fesi, so taki yu kan krutu den.+ 20  Yehovah, mi e begi yu, meki den kon frede,+So taki den pipel na grontapu kan kon sabi taki den na libisma nomo.+ Sela.

Futuwortu

Hebrew wortu: syeol. Luku „Moro sani”, nr. 10.