Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Psalm 84:1-12

Gi a fesiman fu den sma di e prei Gitit-poku.+ Wan psalm fu den bakapikin fu Korak. Wan singi. 84  Yehovah di e tiri den legre,+Mi lobi a gran tabernakel fu yu trutru!+   Mi ben angri so te fu go na ini a tempel-dyari fu Yehovah, taki mi kon weri.+Nanga mi heri ati èn nanga ala mi krakti mi bari fu prisiri gi a libilibi Gado.+   Srefi fowru feni wan tanpe na ini a tempel.Zwaluw-fowru meki nesi gi densrefiPe den poti den pikin fu den,Iya, leti drape, krosibei fu a gran altari fu yu, Yehovah di e tiri den legre, di de mi Kownu èn mi Gado!   Koloku fu den sma di e tan na ini na oso fu yu!+Te now ete den e prèise yu.+ Sela.   Koloku fu den man di e kisi krakti fu yu+Èn di e angri fu waka den pasi di e go na a oso fu yu.+   Te den e waka pasa na ini a lagipresi pe den bâka-bon de,+Dan den e si a lagipresi leki wan peti pe watra e komoto na ini.Sma e prèise a leriman.+   Den e tan waka go doro. O moro den e waka, o moro den e kisi krakti.+Ibriwan fu den e go na fesi Gado na Sion.+   Yehovah Gado di e tiri den legre, mi e begi yu, arki a begi fu mi.+Gado fu Yakob, poti yesi arki mi.+ Sela.   Mi Gado, yu na wi skelt.+ Luku,Poti prakseri na yu salfuwan,+ 10  Bika wán dei na ini den tempel-dyari fu yu, betre moro leki wán dusun yari na wan tra presi.+Mi teki a bosroiti fu tanapu na a doromofo fu na oso fu mi Gado,+Na presi fu go libi na ini den tenti fu den ogriwan.+ 11  Yehovah Gado na wi son+ nanga wi skelt.+A e du bun gi sma èn a e blesi den.+Yehovah no o kibri nowan bun sani gi den sma di e dini en nanga wan krin ati.+ 12  Yehovah di e tiri den legre, koloku fu a sma di e frutrow na yu tapu.+

Futuwortu