Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Psalm 83:1-18

Wan singi. Wan psalm fu Asaf.+ 83  Gado, mi e begi yu, no tan tiri+Gran Gado, no tan sondro fu taki wan sani. No tan pî,+   Bika den feanti fu yu e meki wan lo dyugudyugu.+Den wan di no lobi yu kwetikweti, e tyari doro-ai na yu.*+   Na wan triki fasi den e meki mofo fu du ogri nanga yu pipel.+Den e meki mofo fu du ogri nanga yu pipel di yu kibri.+   Den sma disi taki: „Kon meki wi wai a pipel disi puru krinkrin.+Dan nowan sma o memre a nen fu Israel moro.”+   Den taki a tori èn nanga den heri ati den agri fu du na ogri disi.+Den meki wan kruderi fu opo densrefi teige yu.+   Iya, den sma di e libi na ini den tenti fu den Edomsma,+ den Ismaelsma, den Moabsma,+ den Hagarsma,+   Den Geibalsma, den Amonsma,+ den Amalèksma,Den Filisteasma,+ nanga den sma di e libi na Tirus,+ meki wan kruderi teige yu.   Srefi den Asiriasma span anu makandra nanga den.+Den horibaka gi den bakapikin fu Lot.+ Sela.   Du nanga den san yu ben du nanga den Midiansma,+ nanga Sisera,+Èn nanga Yabin+ na a lagipresi pe Kison-liba+ e lon. 10  Yu wai den puru na En-Dor.+Den kon tron mèst gi a gron.+ 11  Meki den heihei man fu den kondre disi kon de leki Oreb nanga Seyeb+Èn leki Seiba nanga Salmuna, iya, leki ala den granman fu den.+ 12  Den man disi taki: „Meki wi teki den presi abra pe Gado e tan.”+ 13  Mi Gado, meki den kon tron leki drei grasi di wan draiwinti e opo tyari gowe,+Iya, leki drei aleisitiki di winti e wai gowe.+ 14  Leki wan faya di e bron wan busi,+Iya, leki wan faya di e bron bergi, so taki den kon blaka,+ 15  Na so yu musu hari go na den baka nanga a bigi winti fu yu.+Meki a tranga winti fu yu bruya den.+ 16  Lagi den feanti,+So taki den o wani gi a nen fu yu grani, Yehovah.+ 17  Meki den kisi syen èn meki den bruya fu ala ten.+Iya, meki den fesi fadon èn meki den kisi pori.+ 18  Na so sma o sabi+ taki yu di nen Yehovah,+Yu wawan na a Moro Heiwan+ fu heri grontapu.+

Futuwortu

Hebrewtongo: „opo den ede.”