Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Psalm 80:1-19

Gi a fesiman fu den pokuman. Gi den „Leilibromki”.*+ Wan kotoigi. Wan psalm fu Asaf.+ Wan singi. 80  Skapuman fu Israel, mi e begi yu, poti yesi arki mi,+ Iya, yu di e tyari Yosef leki fa wan skapuman e tyari den skapu fu en.+ Yu di e sidon na tapu den kerub-engel,+ mi e begi yu, meki yu leti skèin.+   Sori Efrayim, Benyamin, nanga Manase a bigi makti fu yu+ Èn tangitangi, kon frulusu wi.+   Gado, mi e begi yu, tyari wi kon baka.+ Meki yu fesi skèin, so taki wi kan kisi frulusu.+   Yehovah di e tiri den legre, o langa yu ati o bron, so taki yu no yere a begi fu yu pipel?+   Yu meki den nyan watra-ai neleki na brede den e nyan+ Èn yu e tan gi den bigi koba nanga watra-ai fu dringi.+   Yu meki den kondre na wi lontu feti nanga makandra fu luku suma o tiri wi.+ Den feanti fu wi e spotu wi fa den wani.+   Gado di e tiri den legre, mi e begi yu, tyari wi kon baka.+ Meki yu fesi skèin, so taki wi kan kisi frulusu.+   Yu meki wan droifibon komoto gowe libi Egepte.+ Ibri tron baka yu yagi den trakondre sma komoto na ini a kondre fu den, fu kan prani a droifibon drape.+   Yu krin a pisi gron pe yu ben o prani en,+ so taki a ben kan teki rutu èn furu a heri kondre.+ 10  Den bergi ben de na ini a skaduw fu en Èn den sedrebon fu Gado ben de na ondro den bigi taki fu en.+ 11  Safrisafri den bigi taki fu en gro teleki den doro a se+ Èn den pikin taki fu en doro te na a Gran Liba.+ 12  Fu san ede yu broko den ston skotu puru di ben e lontu a droifibon,+ So taki ala sma di e waka pasa na tapu a pasi, broko froktu puru na en?+ 13  Ibri tron wan busi-agu e komoto na ini a busi fu nyan wan pisi puru fu a bon+ Èn bigi ipi meti di e libi na den sabana e nyan a bon kiri.+ 14  Gado di e tiri den legre, mi e begi yu, drai kon baka.+ Luku komoto fu hemel, poti prakseri na a droifibon disi èn sorgu en.+ 15  Sorgu a pransun di yu prani nanga yu reti-anu.+ Mi e begi yu, luku a manpikin di yu ben meki kon tranga fu gi yu grani.+ 16  Den koti a bon puru, dan den bron en nanga faya.+ Den dede, fu di yu piri-ai gi den.+ 17  Horibaka gi a man di de na yu reti-anusei,+ A manpikin fu libisma di yu ben meki kon tranga fu gi yu grani.+ 18  Dan wi no o drai baka gi yu.+ Mi e begi yu, hori wi na libi, so taki wi kan tan kari yu nen.+ 19  Yehovah di e tiri den legre, mi e begi yu, tyari wi kon baka.+ Meki yu fesi skèin, so taki wi kan kisi frulusu.+

Futuwortu

Luku a marki na Ps 45, Ede.