Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Psalm 8:1-9

Gi a fesiman fu den sma di e prei Gitit-poku.*+ Wan singi fu David. 8  Yehovah wi Masra, yu nen bigi trutru na grontapu!+ Te na ini hemel den e taki fu a glori fu yu ibri leisi baka.+   Nanga den sani di pikin-nengre nanga nyofi pikin e taki nanga den mofo yu seti a krakti fu yu.+ Na so yu tapu skreki gi den feanti fu yu,+ Fu meki den feanti nanga den wan di e pai ogri fu ogri, tapu nanga den ogri fu den.+   Te mi e luku yu hemel, den sani di yu meki,*+ A mun nanga den stari di yu meki,+   Dan mi e aksi misrefi: „San na wan libisma+ taki yu e prakseri en?+ San na a pikin fu wan libisma taki yu e sorgu en?”+   Boiti dati, yu meki a kon de pikinso moro lagi leki den engel,*+ Yu gi en glori+ nanga grani.+   Yu poti en leki basi fu den sani di yu meki.*+ Yu poti ala sani na en ondro:+   Skapu, krabita nanga kaw, iya, den alamala,+ Sosrefi den meti fu busi,+   Den fowru di e frei na loktu, nanga den fisi di de na ini se,+ Iya, ala sani di e swen na ini se.+   Yehovah wi Masra, yu nen bigi trutru na grontapu!+

Futuwortu

„Gitit.” A wortu disi abi fu du nanga poku. Sma no sabi san a wani taki trutru. Son sma taki dati a de wan poku di abi fu du nanga singi di sma ben e singi te den ben e koti droifi fu meki win.
Hebrewtongo: „den wroko fu yu finga.”
Noso: „den wan di de leki Gado.”
Hebrewtongo: „den wroko fu yu anu.”