Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Psalm 77:1-20

Gi a fesiman fu Yedutun. Wan psalm fu Asaf.+ Wan singi. 77  Mi o opo mi sten fu bari kari Gado.+ Mi o opo mi sten fu kari Gado èn a o arki mi.+   Di mi ben de na nowtu, mi suku yepi na Yehovah.+ Te neti mi ben opo mi anu go na loktu èn a no ben kon weri. Mi ben weigri fu meki sma trowstu mi.+   Te mi o prakseri Gado, dan mi o bruya.+ Fu di mi bruya, meki mi kon swaki.+ Sela.   Yu grabu mi aibuba hori, so taki mi ai no tapu.+ Mi bruya. Mi no man taki.+   Doronomo mi prakseri owruten.+ Mi prakseri den sani di pasa langa ten kaba.   Mi o memre den poku di mi ben e prei na neti.+ Na ini mi ati mi o prakseri den sani di e gi mi broko-ede.+ Mi o ondrosuku sani finifini fu kon frustan den.   Yehovah o gowe libi wi fu ala ten baka?+ Na prisiri a no o prisiri nanga wi noiti moro?+   Na fu ala ten a no wani sori wi bun-ati moro?+ Na fu soso a gi wi den komando fu en ala den yari di pasa?+   Na frigiti Gado frigiti fu du bun gi wi?+ Na fu di en ati e bron nanga wi, meki a no wani sori sari-ati moro?+ Sela. 10  „Disi na san e hati mi:+ A Moro Heiwan no e langa en reti-anu moro fu yepi wi leki fa a ben gwenti.”+ Na so mi o tan prakseri ala ten? 11  Mi o memre den sani di Yah du.+ Iya, mi o memre den bigi sani di yu du langa ten pasa.+ 12  Mi o denki dipi fu ala den sani di yu du.+ Na soso den sani di yu du, mi o prakseri.+ 13  Mi Gado, te sma e kon na ini a santa presi, den kan kon sabi a pasi fu yu.+ Sortu gado bigi leki a Gado fu wi?+ 14  Yu na a tru Gado di e du bigi wondru.+ Na ala sei yu meki sma kon sabi a krakti fu yu.+ 15  Nanga yu anu yu frulusu a pipel fu yu,+ Den bakapikin fu Yakob nanga Yosef. Sela. 16  Den watra si yu, mi Gado. Den watra si yu. Ne den bigin beifi srefisrefi.+ Srefi a dipi watra bigin seki.+ 17  Nanga dondru babari den wolku lusu a watra fu den.+ A loktu di lai wolku meki babari. Na ala sei a faya fu yu e koti na loktu sosrefi, neleki peiri di sma e sutu.+ 18  A babari fu a dondru fu yu ben de leki a babari fu asiwagi.+ Faya e koti na loktu, so taki leti e skèin na ala sei na tapu a gron.+ Grontapu ati ben e bron èn a bigin seki.+ 19  Yu opo wan pasi na ini a se.+ Iya, a pasi fu yu ben e pasa na ini furu watra. Sma no ben man si den futumarki fu yu. 20  Neleki fa wan skapuman e tyari den skapu fu en, na so yu tyari a pipel fu yu,+ Fu di yu meki Moses nanga Aron tiri den.+

Futuwortu