Go na content

Go na table of contents

Yehovah Kotoigi

Tongo Sranantongo

Psalm 76:1-12

Gi a fesiman fu den sma di e prei pokusani di gersi harpu. Wan psalm fu Asaf.+ Wan singi. 76  Ala sma na ini Yuda sabi Gado.+Na ini Israel a abi biginen.+   A tanpe fu en de na Salem.+Na oso fu en de na Sion.+   Drape a broko den peiri di abi faya.+Iya, a broko a skelt nanga a feti-owru èn na so a tapu a feti.+ Sela.   Na soso leti e lontu yu. Yu bigi moro den bigi bergi pe busimeti lai.+   Sma fufuru den sani fu den deki-ati man.+Den dyonko teleki den fadon na sribi.+Nowan fu den deki-ati man abi a krakti fu opo feti gi ensrefi.+   Gado fu Yakob, na fu di yu piri-ai gi den sma, meki den wan di ben e rèi asiwagi nanga den asi fadon na ini wan dipi sribi.+   Sma abi bigi lespeki gi yu.+Suma man tanapu na yu fesi, te yu de nanga bigi atibron?+   Yu meki sma na grontapu yere fa yu e koti krutu na ini hemel.+Grontapu srefi ben frede èn den tan tiri+   Na a ten di Gado opo fu koti krutu,+So taki a ben kan frulusu ala den safri-ati sma.+ Sela. 10  Te sma e du sani fu di den ati e bron, dan yu o teki na okasi dati fu gi yusrefi glori.+Te na a lasti sani di yu feanti e du nanga atibron, yu o teki fu gi yusrefi glori. 11  Un alamala di de lontu Yehovah un Gado, un sweri gi en èn du san un sweri fu du.+Meki sma tyari presenti kon gi en, fu di den e lespeki en.+ 12  A o lagi den tiriman di abi bigimemre.+Den kownu fu grontapu frede en.+

Futuwortu