Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Psalm 74:1-23

Wan maskil* fu Asaf.+ 74  Mi Gado, fu san ede yu gowe libi wi fu ala ten?+Ibri tron baka yu e kisi bigi atibron nanga den skapu di de na den weigron fu yu. Fu san ede?+   Memre den sma di yu ben tyari kon na wán na ini owruten,+Iya, a pipel di yu frulusu fu kon tron a gudu fu yu.+Memre sosrefi a Sion-bergi disi pe yu ben e tan.+   Poti prakseri na den presi di sma pori someni langa kaba.+Den feanti pori ala sani na ini a santa presi.+   Den feanti fu yu bari tranga na ini a presi pe sma e kon makandra fu anbegi yu.+Den teki den eigi fraga, poti drape leki marki.+   Sma sabi den leki man di abi a gwenti fu opo den aksi fu koti wan heri busi trowe.   Now den e teki aksi nanga krubal fu broko ala den moi prenki na ini a santa presi puru.+   Den sutu faya gi a santa presi fu yu.+Den pori a tabernakel di e gi yu nen grani èn den broko en te na gron.+   Den sma disi, iya, srefi den bakapikin fu den, taki na densrefi:„Wi o bron ala den presi na ini a kondre pe sma e kon makandra fu anbegi Gado.”+   Wi no si den fraga di wisrefi ben poti leki marki. Nowan profeiti no de moro+Èn nowan sma de nanga wi dya di sabi o langa disi o go doro. 10  Gado, o langa den gensman o wisiwasi yu?+Na fu têgo den feanti o sori taki den no abi lespeki gi yu nen?+ 11  Yu puru yu anu, iya, yu reti-anu, na yu borsu.+Ma fu san ede yu no e du noti? Efu yu no du wan sani, dan na dede wi o dede. 12  Toku Gado na mi Kownu sensi owruten.+En na a sma di e du bigi sani fu frulusu sma na grontapu.+ 13  Nanga yu krakti yu meki a se kon krasi.+Yu broko na ede fu den bigi meti na ini se.+ 14  Na yu naki den ede fu Lefiatan broko pisipisi.+Ne yu teki en, fu gi en leki nyanyan na a pipel, na ala den sma di e libi na den kontren pe watra no de.+ 15  Na yu priti a gron opo fu meki watra nanga liba lon komoto na ini.+Na yu meki den liba, pe watra ben e lon ala ten, kon drei.+ 16  A dei nanga a neti na fu yu.+Na yu meki a leti fu hemel, iya, a son.+ 17  Na yu ben taki o bigi den difrenti pisi fu grontapu musu de.+Na yu seti a waran nanga a kowru ten fu a yari.+ 18  No frigiti: Den feanti wisiwasi yu, Yehovah.+Den sma di no abi frustan, sori taki den no abi lespeki gi a nen fu yu.+ 19  No meki ogri meti nyan a doifi fu yu.+No frigiti den mofinawan fu yu fu têgo.+ 20  Poti prakseri na a frubontu di yu meki nanga wi,+Bika den dungru presi fu grontapu kon furu nanga den tanpe fu sma di e du bigi ogri.+ 21  No meki den wan di e pina, kisi syen.+Meki den mofinawan nanga den pôtiwan prèise yu nen.+ 22  Mi Gado, mi e begi yu, opo taki gi yusrefi èn krin yu nen.+Memre taki den sma sondro frustan e wisiwasi yu heri dei.+ 23  No frigiti a sten fu yu feanti.+Doronomo a babari fu den sma di e gens yu, e opo go na hemel.+

Futuwortu

Luku a marki na Ps 32, Ede.