Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Psalm 72:1-20

Wan psalm di e taki fu Salomo. 72  Mi Gado, mi e begi yu, leri a kownu den wèt fu yu+Èn leri a manpikin fu a kownu fu waka na baka a retidu fu yu.+   Meki a opo taki gi yu pipel na wan reti fasi.+Meki a du san reti te a e opo taki gi den mofinawan.+   Meki den bergi tyari freide* kon gi a pipel.+Meki den pikin bergi tiri den na wan reti fasi.   Meki a kownu* koti krutu gi den mofinawan fu a pipel.+Meki a frulusu den pikin fu den pôtiwan.Meki a kiri den wan di e bedrigi den.   Den o abi bigi lespeki gi yu solanga a son de+Èn solanga a mun de, iya, fu ala ten.+   A kownu o de leki alen di e fadon kon na tapu wan presi pe sma mai grasi,+Iya, leki hebi alen di e nati a gron.+   Te en e tiri, den reti-ati sma o de leki grun grasi di e opo kon.+Freide o de pasa marki, solanga a mun de.+   A o tiri fu a wan se te go miti a trawan,+Fu a Gran Liba+ te go miti den moro farawe presi fu grontapu.+   Den sma di e libi na den kontren pe watra no de, o boigi gi en.+Den feanti fu en o leki a doti nanga den tongo.+ 10  Den kownu fu Tarsis èn fu den èilanti,+Na kado den o tyari kon.+A kownu fu Skeiba nanga a kownu fu Seiba,Na presenti den o tyari kon.+ 11  Ala den kownu o saka kindi boigi gi en.+Ala den pipel fu grontapu o dini en,+ 12  Bika a o frulusu den pôti sma di e bari suku yepi,+Sosrefi ala den mofina sma nanga iniwan sma di no abi yepiman.+ 13  A o firi sari gi den mofina sma èn gi den pôti sma+Èn a o frulusu den pôti sma.+ 14  A o kibri den libi,* so taki sma no man kwinsi den moro noso du ogri-ati sani nanga den.A brudu fu den o de wan warti sani gi en.+ 15  Meki a libi langa.+ Meki sma gi en a gowtu fu Skeiba.+Meki sma begi gi en doronomo.Heri dei sma musu blesi en.+ 16  Furu nyanyan o kon de na grontapu.+Srefi na tapu den ede fu den bergi nyanyan o de pasa marki.+A nyanyan di a kownu o koti, o furu leki den bon di e gro na Libanon+Èn den sma di e libi na ini den foto, o kon furu leki a grasi fu grontapu.+ 17  Meki a nen fu en tan fu ala ten.+Meki a kisi bigi nen moro nanga moro,Na en o meki taki den kisi blesi.+Meki den pipel fu ala kondre winsi soso bun gi en.+ 18  Blesi fu Yehovah Gado, a Gado fu Israel,+Bika na en wawan e du bigi sani.+ 19  Meki a bigi nen fu en kisi blesi fu ala ten.+Iya, meki a glori fu en furu heri grontapu.+Amen, iya, Amen. 20  Disi ben de den begi fu David, a manpikin fu Isai.+

Futuwortu

Noso: „soso bun.”
Hebrewtongo: „a.” Dyaso a wortu „a” abi fu du nanga a tiri di Salomo ben o tiri na ini a ten di ben o kon.
Luku „Moro sani”, nr. 8.