Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Psalm 70:1-5

Gi a fesiman fu den pokuman. Wan psalm fu David, fu memre sani baka.+ 70  Mi Gado, mi e begi yu, frulusu mi esi-esi.+Yehovah, kon yepi mi esi-esi.+   Meki den wan di e suku fu kiri mi, kisi syen. Broko den saka.+Meki den sma di e prisiri te ogri e miti mi, drai gowe baka. Meki den fesi fadon.+   Meki den sma di e taki: „Ai! Kisi en moi!”, drai gowe baka, fu di den kisi syen.+   Meki ala sma di e suku yu, kon breiti, iya, meki den prisiri nanga yu.+Meki den sma di e angri fu yu frulusu den, taki ala ten baka: „Meki Gado kisi glori!”+   Mi na wan mofina sma èn mi pôti.+Mi Gado, kon yepi mi esi-esi.+Yu e yepi mi, yu na mi Frulusuman.+Yehovah, mi e begi yu, no kon tumusi lati.+

Futuwortu