Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Psalm 7:1-17

Wan sari singi di David ben singi gi Yehovah fu den sani di Kus, wan man fu a lo fu Benyamin, ben taki. 7  Ke Yehovah mi Gado,+ na yu mi kon fu suku yepi.+Kibri mi gi ala den sma di e frufolgu mi. Frulusu mi.+   No meki nowan sma priti mi pisipisi leki fa wan lew e du.+No meki den grabu mi tyari gowe te sma no de fu frulusu mi.+   Ke Yehovah mi Gado, efu mi du wan ogri trutru+Èn efu mi du wan sani di no bun,+   Iya, efu mi du ogri nanga a sma di du mi wan bun,+Noso efu mi fufuru den sani fu mi feanti, aladi a no du mi noti,+   Dan meki wan feanti fu mi hari kon na mi baka fu kiri mi.+Meki a grabu mi èn trapu mi kiri.Meki a libi mi didon na gron nanga syen. Sela.   Ke Yehovah, mi e begi yu, kisi atibron èn opo.+Opo du wan sani nanga den sma di ati e bron nanga mi èn di wani du mi ogri.+Mi e begi yu, wiki èn yepi mi,+ fu di na yu srefi ben gi a komando fu strafu den sma disi.+   Meki den difrenti kondre fu grontapu kon makandra na yu lontu.Opo feti nanga den komoto fu hemel.   Yehovah srefi o leisi strafu gi ala pipel.+Ke Yehovah, te yu o koti krutu gi mi, dan memre a reti fasi fa mi tyari misrefi.+Memre fa mi gi yesi na yu.+   Mi e begi yu, meki den ogriwan tapu nanga den ogri fu den.+Meki sani waka bun gi den reti-ati sma.+Yu na wan Gado fu retidu.+ Yu e ondrosuku na ati+ nanga den niri.*+ 10  A skelt di e kibri mi, komoto fu Gado.+ A de wan Frulusuman gi ala den krin-ati sma.+ 11  Gado na wan Krutuman di e koti krutu na wan reti fasi.+Ala ten Gado e krutu den ogri sma. 12  Efu wan sma e tan du ogri,+ dan Gado o srapu en feti-owru.+A o span en bo èn a o sreka en fu kan sutu nanga en.+ 13  A e sreka den fetisani fu en di e kiri sma.+A o meki den peiri fu en kon tron peiri di abi faya.+ 14  Luku, wan sma de di de nanga bere fu ala sortu ogri sani.+A de nanga bere fu ala sortu problema èn a pikin di a o meki na soso lei.+ 15  A diki wan peti èn a meki en kon moro dipi.+Ma na ini a srefi olo di a diki, na drape a o fadon.+ 16  A srefi ogri di a e du nanga trawan, na dati o miti en te fu kaba.+A o firi den bakapisi fu den ogri di a du.+ 17  Mi o prèise Yehovah fu den reti sani di a e du.+Mi o singi fu prèise a nen+ fu Yehovah, a Moro Heiwan.+

Futuwortu

Noso: „den moro dipi firi fu sma.”