Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Psalm 65:1-13

Gi a fesiman fu den pokuman. Wan psalm fu David. Wan singi. 65  Mi Gado di de na Sion,+ a fiti fu sma prèise yu èn fu tan pî te den de na yu fesi. Wi o du gi yu san wi ben sweri fu du.+   Yu na a sma di e arki begi. Na yu ala sortu sma o kon suku yepi.+   Den fowtu fu mi furu so te, taki mi no man tyari den.+ Na yu o tapu den sondu fu wi.+   Koloku fu a sma di yu e kari fu kon krosibei na yu,+ So taki a kan tan na ini den fesidyari fu yu oso.+ Wi o kisi nofo fu den bun sani di de na ini na oso fu yu,+ Iya, na ini a santa presi fu yu tempel.+   Na wan reti fasi yu o piki wi nanga sani di e meki sma kisi bigi lespeki gi yu.+ Mi Gado di e frulusu wi,+ Sma na heri grontapu èn na den moro farawe presi fu se e frutrow na yu tapu.+   Nanga a krakti fu en, Gado e seti den bergi steifi.+ A abi bun furu makti.+   A e tapu a babari fu se,+ Iya, a babari fu den skwala èn a bigi babari di den sma fu den difrenti kondre fu grontapu e meki.+   Den sma di e libi na den moro farawe presi fu grontapu o frede te den si den sani di yu e du.+ Yu e meki a son bari fu prisiri te a e opo na mamanten èn te a e dongo na mofoneti.+   Yu poti prakseri na grontapu èn yu e blesi en.+ Yu meki grontapu kon gudu. Yu furu den liba nanga watra.+ Yu e meki nyanyan gro gi libisma,+ Bika dati na a fasi fa yu seti grontapu.+ 10  Den pikin gotro na mindri den bedi, yu e furu nanga watra. Yu e meki den tranga kundu na ini a doti kon safu.+ Iya, yu e meki furu alen fadon fu safu a doti. Yu e meki den pransun gro bun.+ 11  Yu blesi a yari, neleki na wan kownu-ati yu poti na en tapu.+ Ala sei pe yu e pasa, sani e kon de bogobogo.+ 12  Den weigron di de na den sabana lai nati grasi.+ Ala den sei fu den pikin bergi e prisiri.+ 13  Den weigron kon lai nanga skapu+ Èn den lagipresi srefi kon abi furu aleisi.+ Den e bari fu prisiri, iya, den e singi.+

Futuwortu