Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Psalm 63:1-11

Wan singi di David skrifi na a ten di a ben de na Yuda-sabana.+ 63  Gado, yu na mi Gado. Mi e tan suku yepi na yu.+Mi e angri fu yu.+Di mi ben de na ini wan kondre di drei èn pe noti e gro, wan kondre pe watra no de,+Dan na soso angri mi ben e angri fu abi yu na mi sei.   Mi si yu na ini a santa presi,+Di mi si a krakti nanga a glori fu yu.+   A bun-ati fu yu betre moro a libi srefi.+Mi eigi mofobuba o prèise yu.+   Na so mi o blesi yu mi heri libi langa.+Te mi o opo mi anu go na loktu fu begi, mi o kari yu nen.+   Mi e firi bun, neleki fa wan man e firi bun te a nyan en bere furu nanga den moro fatu nyanyan.+Nanga bigi prisiri mi e opo mi mofo fu singi prèisesingi gi yu.+   Te mi e didon na tapu mi bedi, mi e prakseri yu.+Mindrineti mi e denki dipi fu yu,+   Bika na yu yepi mi.+Te mi de na ondro den frei fu yu, mi e bari fu prisiri.+   Mi tan krosibei fu yu.+Yu e hori mi steifi nanga yu reti-anu.+   Den sma di e suku fu kiri mi,+O saka go te na den moro dipi olo fu grontapu.+ 10  Sma o kiri den nanga feti-owru.+Den o tron nyanyan gi den sabanadagu.+ 11  Kownu o breiti nanga den sani di Gado o du gi en.+Ibriwan sma di e sweri na Gado, o prèise en,+Bika a o tapu a mofo fu iniwan sma di e taki lei.+

Futuwortu