Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Psalm 62:1-12

Gi a fesiman fu Yedutun. Wan singi fu David. 62  Ai, nanga pasensi mi e wakti Gado.+ Na en o frulusu mi.+   Ai, en na mi stonbergi èn a e frulusu mi. En na wan bergi pe mi kan lon go kibri.+ Mi no o naki futu na so wan fasi taki mi fadon.+   O langa unu o pruberi fu du ogri nanga a sma di unu wani kiri?+ Un alamala de leki wan skotu di de fu fadon, iya, wan ston skotu di sma e suku fu pusu trowe.+   Ai, den e gi sma rai fu kori den fu go du sani di o meki den kisi syen.+ Den lobi fruteri lei.+ Nanga den mofo den e blesi sma, ma na ini den ati den e fluku den.+ Sela.   Ai, nanga pasensi mi o wakti Gado,+ Fu di na en e gi mi howpu.+   Ai, en na mi stonbergi èn a e frulusu mi. En na wan bergi pe mi kan lon go kibri.+ Mi no o naki futu.+   Na Gado e frulusu mi èn na en e gi mi glori.+ Gado na wan tranga stonbergi gi mi. En na mi kibripe.+   Un pipel, frutrow tapu Gado ala ten.+ Fruteri en ala san de na tapu un ati.+ Gado na wi kibripe.+ Sela.   Ai, a libi fu libisma syatu leki wan blo.+ Yu no man frutrow libisma.+ Awinsi yu ben o poti den alamala na tapu wan wegi, toku den ben o lekti moro a winti.+ 10  No prakseri taki sani o waka bun nanga unu te unu e bedrigi sma.+ No prakseri taki unu o kisi wini te unu e fufuru sma.+ A kan taki unu e kisi furu gudu, ma no poti ala un prakseri na tapu den sani dati.+ 11  Gado ben taki a sani disi wan leisi kaba. Iya, tu leisi mi yere kaba+ Taki Gado abi ala krakti.+ 12  Yehovah, yu e sori sma bun-ati.+ Yu e pai ibriwan sma gi den sani di den e du.+

Futuwortu