Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Psalm 60:1-12

Gi a fesiman fu den sma di e prei „A leilibromki di de wan kotoigi”.* Miktam.* Wan psalm fu David. A de fu gi sma leri.+ David skrifi en di a ben e feti nanga den sma fu Aram-Naharayim èn nanga den sma fu Aram-Soba. Na a srefi ten dati, Yoab ben drai kon baka fu feti nanga den Edomsma. Na ini Sowtu-lagipresi a kiri twarfu dusun srudati.+ 60  Mi Gado, yu gowe libi wi. Yu panya wi go na ala sei.+ Yu kisi bigi atibron. Meki wi kon bun baka nanga yu.+   Yu meki grontapu seki. Yu priti en opo.+ Tapu den olo di grontapu kon abi, fu di a seki.+   Yu meki yu pipel nyan pina.+ Yu meki wi dringi win, so taki wi kon drungu.+   Yu opo wan tiki go na loktu fu fruteri den wan di e lespeki yu fu lowe komoto na a presi pe a peiri man doro.+ Den musu lon na so wan fasi, taki den peiri fu den feanti no kisi den. Sela.   Na so fasi den sma di yu lobi, o kisi kibri.+ Mi e begi yu, frulusu wi nanga yu reti-anu. Piki wi.+   Gado na wan santa Gado. Dati meki a taki:+ „Mi o prisiri srefisrefi. Mi o meki mi pipel kisi Sikem leki gudu.+ Mi o marki Sukot-lagipresi fu prati en gi a pipel fu mi.+   Gilead na fu mi èn Manase na fu mi sosrefi.+ Efrayim na a fortresi fu a sma di mi poti leki edeman. Yuda na a tiriman-tiki fu mi.+   Moab na mi tobo fu wasi sani na ini.+ Mi o trowe mi susu na tapu Edom.+ Mi o bari fu prisiri taki mi wini Filistea.”+   Wi Gado, suma o tyari mi go na a foto di a legre lontu?+ Suma o man tyari mi go te na Edom?+ 10  A no yu na a sma di gowe libi wi+ Èn di no e hari go feti makandra nanga a legre fu wi?+ 11  Mi e begi yu, yepi wi te wi de na nowtu,+ Bika wi sabi taki libisma no man frulusu wi.+ 12  Na Gado o gi wi krakti,+ Na en o masi den feanti fu wi nanga en futu.+

Futuwortu

Luku a marki na Ps 45, Ede.
Luku a marki na Ps 16, Ede.