Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Psalm 6:1-10

Gi a fesiman fu den sma di e prei pokusani di gersi harpu èn di seti fu prei lagi.+ Wan singi fu David. 6  Ke Yehovah, no strafu mi nanga atibron.+ No piri-ai gi mi te yu e mandi.+   Abi sari-ati nanga mi, Yehovah, bika mi no abi krakti moro.+ Dresi mi,+ Yehovah, bika ala mi bonyo e beifi.   Iya, mi bruya srefisrefi.+ Ke Yehovah, o langa yu o tan wakti ete?+   Mi e begi yu, Yehovah, drai kon baka+ fu frulusu mi.+ Kibri mi, bika yu na wan Gado di e sori sma bun-ati.+   Te wan sma dede, a no man taki fu yu.+ Suma o man prèise yu te a de na ini Grebi?*+   Mi kon weri fu den geme fu mi.+ Heri neti mi ai e lon watra. Den watra-ai fu mi sungu mi bedi.+ Mi e krei so furu, taki mi heri bedi e nati.+   Mi e sari so te, taki mi ai kon weri.+ Mi ai kon dungru fu den sani di mi feanti du nanga mi.+   Un komoto na mi tapu, un alamala di e du hati sani nanga sma,+ Bika Yehovah o yere fa mi e krei.+   Mi sabi taki Yehovah o yere te mi e aksi en fu abi sari-ati nanga mi.+ Yehovah srefi o arki a begi fu mi.+ 10  Ala den feanti fu mi o firi syen+ èn den o bruya. Den o drai gowe. Wantronso den o firi syen.+

Futuwortu

Hebrew wortu: syeol. Luku „Moro sani”, nr. 10.