Go na content

Go na table of contents

Yehovah Kotoigi

Tongo Sranantongo

Psalm 58:1-11

Gi a fesiman fu den sma di e prei „No kiri mi”-poku. Wan psalm fu David. Miktam.* 58  Fa unu kan taki fu retidu, efu unu no e taki noti?+Un libisma, unu man krutu sani na wan reti fasi trutru?+   Na presi fu du san reti, unu e waka e du bigi ogri na grontapu, fu di un ati furu soso nanga den sani dati.+Ibri yuru unu e suku wan fasi fu du ogri!+   Sensi di den mama meki den, den ogriwan e du ogri.+Sensi di den komoto na den mama bere, den e waka wan takru pasi.Na soso lei den e lei.+   A vergif fu den de leki a vergif fu wan takru sneki.+Den dofu neleki a kobrasneki di e tapu en yesi,+   Fu di a no wani arki a sten fu a sma di e wisi en,+Awinsi a sma dati na wan koni wisiman.+   Gado, mi e begi yu, naki den tifi puru na ini den mofo.+Yehovah, broko a kakumbe fu den yongu lew.   Meki den kon tron noti èn lasi gowe leki a watra fu wan liba di e lon gowe esi-esi.+Meki Gado span en bo fu sutu den peiri fu en, so taki den fadon na en fesi.+   Den e waka leki wan pakro di e drei* gowe.Den no sa si a leti fu son, neleki wan pikin di e dede na ini en mama bere.+   Fosi den patu fu unu e firi a waran fu a makabon di teki faya,+Dan neleki wan tranga winti Gado o wai ala den tiki gowe, den grunwan nanga den wan di e bron kaba.+ 10  A reti-ati sma o prisiri, fu di a si taki den ogriwan kisi strafu.+A o waka na ini a brudu fu den ogri sma.+ 11  Dan sma o taki:+ „A de krin taki den reti-ati sma e kisi blesi.+A tru taki wan Gado de di e krutu grontapu.”+

Futuwortu

Luku a marki na Ps 16, Ede.
Hebrewtongo: „e smèlter gowe.”