Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Psalm 57:1-11

Gi a fesiman fu den sma di e prei „No kiri mi”-poku. Wan psalm fu David. Miktam.* David skrifi en di a lowe go kibri gi Saul na ini wan bergi-olo.+ 57  Mi Gado, du bun gi mi, mi e begi yu, du bun gi mi,+Bika na yu mi lon kon suku kibri.+Na ondro den frei fu yu mi e kibri, teleki ala problema pasa gowe.+   Mi kari Gado, a Moro Heiwan, iya, mi kari a tru Gado di e lusu den problema fu mi.+   A o seni yepi kon gi mi komoto fu hemel èn a o frulusu mi.+A o bruya a sma di de na mi baka, neleki wan meti di e suku fu beti mi.+ Sela.Gado o sori mi bun-ati èn a o sori taki en na wan Gado di e du ala ten san a e taki.+   Mi de na mindri lew.+Mi no man tra fasi leki fu didon na mindri libisma di de leki ogri meti di e nyan sma.Den tifi fu den na lansri nanga peiri+Èn a tongo fu den na wan srapu feti-owru.+   Mi Gado, meki yusrefi kon hei pasa hemel.+Meki a glori fu yu de moro hei leki a heri grontapu.+   Den feanti fu mi seti wan nèt pe mi e waka.+Mi broko saka trutru.+Den diki wan olo fu mi fadon go na ini.Ma na den srefi fadon go na ini.+ Sela.   Mi o tan lobi yu nanga mi heri ati, mi Gado,+Mi o tan lobi yu nanga mi heri ati.Mi o singi prèisesingi gi yu.+   Mi ati, mi e begi yu, wiki.+Un pokusani di gersi harpu, mi e begi unu, wiki. Un harpu, un wiki tu.+Mi o wiki a musudei mamanten.   Yehovah, mi o prèise yu na fesi den pipel.+Na fesi den sma fu den difrenti kondre fu grontapu mi o singi prèisesingi gi yu.+ 10  Yu bun-ati bigi so te, taki a e doro te na hemel.+Den tru tori di yu e fruteri furu so te, taki den e doro te na loktu.+ 11  Mi Gado, meki yusrefi kon hei pasa hemel.+Meki a glori fu yu de moro hei leki a heri grontapu.

Futuwortu

Luku a marki na Ps 16, Ede.