Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Psalm 56:1-13

Gi a fesiman fu den sma di e prei poku: Wan psalm di musu singi nanga a poku di nen „A doifi di no e bari te a de na mindri den wan di de farawe.” Wan psalm fu David. Miktam.* David skrifi en di den Filisteasma grabu en na Gat.+ 56  Mi Gado, du bun gi mi, fu di libisma de na mi baka, leki meti di e suku fu beti mi.+ Heri dei den e feti nanga mi èn den e pina mi.+   Heri dei mi feanti de na mi baka, leki meti di e suku fu beti mi.+ Furu heimemre sma e feti nanga mi.+   Awinsi o ten mi e kon frede, mi o tan frutrow na yu tapu.+   Fu di mi nanga Gado de wán, meki mi o gi en wortu grani.+ Na tapu Gado mi frutrow. Mi no sa frede noti.+ San libisma kan du mi?+   Heri dei den e suku problema gi mi. Na soso ogri den e prakseri fu du nanga mi.+   Baka te den du mi ogri, den e go kibri.+ Ibri yuru den e luku sortu pasi mi e teki+ Èn den seti luru gi mi fu kiri mi.+   Drai baka gi den, fu di den du hati sani nanga trawan.+ Mi Gado, wai den pipel puru nanga bigi atibron.+   Yu sabi heri bun taki mi na wan loweman.+ Mi e begi yu, poti mi watra-ai na ini yu lerisaka.*+ Yu teri den fu luku omeni den de èn yu skrifi dati na ini a buku fu yu.+   Na a ten dati, iya, na a dei di mi o bari kari yu fu yepi mi, den feanti fu mi o komoto na mi tapu.+ Mi sabi heri bun taki Gado e horibaka gi mi.+ 10  Fu di mi e waka nanga Gado,+ meki mi o gi en wortu grani. Fu di mi e waka nanga Yehovah, meki mi o gi en wortu grani.+ 11  Na tapu Gado mi frutrow. Mi no sa frede noti.+ San libisma kan du mi?+ 12  Mi Gado, mi musu du den sani di mi ben sweri fu du gi yu.+ Mi o tyari ofrandi gi yu fu taki yu tangi.+ 13  Yu hori mi na libi.+ A no yu kibri mi futu, so taki mi no fadon?+ Na so fasi mi kan tan na libi èn dini Gado.+

Futuwortu

Luku a marki na Ps 16, Ede.
Disi na wan saka fu metibuba pe sma ben e gwenti poti watra na ini.